شات
قلبي
شات سعودي انحراف
سعودي انحراف
سعودي انحراف مغروره
سعودي انحراف 180
شات انحراف
سعودي انحراف
انحراف
سعودي كول
سعودي كول 94
شات سعودي كول
سعودي كول
شات سعودي كول
سعودي كول 94
سعودي انحراف
سعودي انحراف 88
سعودي انحراف طلال
شات سعودي
سعودي انحراف 94
كلمات الأغـاني السودانيه - منتديات عكس الريح

الإهداءات


انت الآن تتصفح منتديات عكس الريح

العودة   منتديات عكس الريح > المنتدى الفني > الموسيقى والغناء
الملاحظات

إضافة رد
 
أدوات الموضوع انواع عرض الموضوع
  #1  
قديم 02-07-2006, 11:14 AM
الصورة الرمزية eihab nimeri
eihab nimeri eihab nimeri غير متواجد حالياً
Senior Member
 
تاريخ التسجيل: Jan 2006
الدولة: KSA
المشاركات: 1,075
افتراضي كلمات الأغـاني السودانيه

يلا ياشباب دايرين مشاركاتكم في الموضوع ده


كل واحد يكتب كلمات الاغاني المعجب بيها هنا

وانا ح ابدا ليكم با الاغاني الاتيه :
جناين الشاطى

خليل فرح
بين جناين الشاطىء وبين قصور الروم


حي زهرة روما وأبكي يا مغروم

دره سالبه عقولنا لبسوها طقوم

ملكة باسطة قلوبنا تبين عليها تقوم

في الطريق ان مرت بالخلوق مزحوم

كالهلال الهل الناس عليها تحوم

شوف عناقد ديسها تقول عنب في كروم

شوف وريدا الماثل زي زجاجة روم

القوام اللادن والحشا المبروم

والصدير الطامح زي خليج الروم

خلي جات متبوعة الصافية كالدينار

في القوام مربوعة شوفا عالية منار

موضة آخر موضة هيفا غير زنار

روضة داخل روضة غني فيها كنار

شوف جبينا الهل ضو فوقه فنار

منه هل الشارع منه بق ونار

طالعة ما بتقابل زي لهيب النار

تحرق البتهابل والبعيد في نار

*************
أرحل/التجاني سعيد
قلت أرحل ..
أسوق خطواتي من زولاً نسى الإلفة
أهون ليل
أساهر ليل
أتوه من مرفى لي مرفى
ابدل ريد بعد ريدك
عشان يمكن يكون اوفي
رحلت وجيت
في بعدك لقيت
كل الأرض منفى
عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيدا غشاني وفات عاد عمّ البلد أعياد
وزي فرح البعيد العاد
وزي وطناً وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الأرض منفى
زمان الفرقة والتجريح بسيبو عشان تشيلو الريح
بسيبو عشان صحيح الذكرى بتّوِّه عمرنا صحيح
وانتِ معاية لا بندم ولا بقضي العمر تبريح
أصلو العمر شوقا حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الأرض منفى
منــــــفـى

*********

في الـــــــــــطيــــــــــ ـف

كلمات/عمر البنا ... غنــاء / البــــــــلابــــــل

في الطيف أو في الصحيان زورني
يا حبيبي أنا عيان
مالو لـو فـي بعـض الاحيـان
تسمح لـي صحـوا أراك عيـان
تاخذ يا حبيبي عـن حالـي بيـان
عسى تبقي قلوبنا في الغرام سيـان

يا الفريد في حسنك و بهجة أمدرمان
لي من شوفتك يا حبيبـي زمـان
أنا ساهر و نـوم عينـي حرمـان
و إنت بين أترابك في نعيم و أمـان

النحول علي جسمي يا حبيبي بيان
و إنت جسمك نامي و بالنعيم طربان
لو رأك الناسك المـن الله جبـان
بيك يفتن و يصبح بالغـرام تعبـان

قبل حسنك قط ما رأيـت انسـان
فاق العسجد لمعة و الحريـر لمسـان
كيف يحصر وصفك يا حبيبي لسان
و البان إتعلم من قامتـك الميسـان

ما الـدرر لثنـاك ما بنـت ألحـان
للمـاك و آيـة نفحـة الريـحـان
إنت حسنك كامل لكـن لمحـان
خدك قاسـي و قلبـك ما حـان

*******************
أقيس محاسنك بمن أغنية ذات مدلولات عديدة وينبغى الرجوع لخلفيتها حيث كان الثلاثى الغنائى آنذاك يتكون من سرور والأمين برهان وكرومة... وشاء قدرهم أن يفترفوا لفريقين .. سرور وحده والأمين وكرومة ثنائى.. وبالتالى تحدد ميول الشعراء بصورة قاطعة فانقسموا لقسمين.. وظل التنافس قائما ليحدد البقاء للأصلح ، وكان اللقاء المنتظر فى ليلة ساهرة على مسرح نادى الخريجين بأمدرمان ، وكان المفاجأة أداء الفنان سرور لأغنية ( أقيس محاسنك بمن ) وكانت للفنان طريقته الغنائية الخاصة وهى الرقص الموقع الموزون والتحرك المستمر فى جنبات المسرح مما جعل الجميع يتسائل : ( دى الدنيا أم جنة عدن )





أقيس محاسنك بمن

يالدر الماليك تمن

نور عينى نور الزمن



ما شفنا فى طول الزمن

سواك بدرى فى داخل كمن

الأنوار .. يتزاحمن

فى خدودك أخدن أمن

ومن فاهك يتبسمن

بروق فى بروق يتقسمن





دى الدنيا أم جنة عدن

شفنا ملاك لا بس بدن

إنسان لكن مفردا

حاز النور حاز اللدن

غصنه مهفهف أملدا

وهيبة أسد فى عيون شدن

يا الجبرة المازجة العجن

وجسمك بالطيب انعجن

إذا النسمات بيك عرجن

طبقات الجو يتأرجحن

والأنفس يتهيجن



أنت نرجس من الوسن

لعيونها الأعين جسن

وأن آية الحسن الأسن

وغصون الروض يتمايسن

فى ذلك الزى الحسن

وكل حسن مالك حسن



روضك زى عارضين صفن

حلاك سحرك ماسحر فن

كواكب النور البلصفن

بصفاتك ما أتوصفن

بدور الكون لو ينصفن

يسجدن ليك ما يكون وفن

فيك عيون بالحسن إزدرن

ومهما أفكارهم يكبرن

زى حسنك ما يعبرن

مع البدرين سيرك سرن

ومن وزنك هن يقصرن

***************

يا مداعب الغصن الرطيب



يا مداعب الغضن الرطيب

فى بنانك ازدهت الزهور

زادت جمال ونضار وطيب

****

يالمنظرك للعين يطيب

تبدل الظلمات بنور

وتبدل الأحزان سرور

إن شافك المرضان يطيب

****

تعجبنى والشىء العجيب

هادىء واليف ماك النفور

بى عفتك صنت السفور

والحسن والأصل النجيب

****

انا وانت فى الروض يا حبيب

راق النسيم وحلى للمرور

بقى أحلى من ساعة السرور

وأدق من فهم اللبيب

****

والروضة فى موقع خصيب

حضنوها واتلافوا النهور

ترى فيها انواع الزهور

من كل لون أخدت نصيب

****

يانع ثمارها ونص وطيب

أِبه بربات الخدور

الإنبرجن فى يوم حبور

زادن جمال ونضار وطيب

****

فى الروض غنى العندليب

ورددوا غناه الطيور

ترتيل أناشيد الحبور

وفتيانها يوم عيد الصليب

****

دنت الثريا بقت قريب

بين السلوك فى تانى دور

فى ثانية كم سطعت بدور

وأهلة كان نوعن غريب

****

شىء ينعش الروح فى الأديب

ويحيى روح ميت الشعور

للقاك تنشرح الصدور

ويفرح القلب الكئيب

************
أنة المجروح




يالروح حياتك روح

الحب فيك يا جميل

معنى الجمال مشروح

للحب زناد فى الجوف زى الزناد مقدوح

منه الجبابرة تلين لصوت بلابل الدوح

وتصاحب النسمات تفضل معاها تروح

بين نغمة الأشواق ومحاسن الممدوح



الناس تحب رؤياك بالخاطر المشروح

يا ملفت الأنظار يابسمة المفروح

وانا أهدىليك الحب حب من فؤاد مجرود

حب الشحيح للمال حب الجبان للروح



سورية فى السودان بحبى ليكى أبوح

عنب جناين الشام أتمنى منه صبوح

وانشد فؤادى الضال بين الرياض مذبوح

وأرى الهلال فىظلال تلك الخميلة يلوح



أنا لو ضمنت رضاك اكون سعيد ممنوح

يا من تسر رؤياك تفرح وتنسى النوح

تكسى النهار بجمال خديك جمال ووضوح

منه الغزالة تقيف فى موقف المفضوح



من الوله للقاك دمعى الغزير مسفوح

ناقم على الأيام مع أنه طبعى صفوح

انا والخيال فى جدال وانت بنداك منفوح

كل ما النسيم يغشاك زى الحديقة تفوح

رايق كحيل نعسان انسان رقيق وجموح

ساحر العيون بجمال فى سواك ما مملوح

ان كان تميس بنميس ان كان تموج بنموج

عدل الطبية جعل جور الحبيب مسموح

*************************
سيد عبد العزيز

يا بت ملوك النيل يا أخت البدور

مين لى علاك ينيل فى البدور والحضور



الجبرة فيك بتخيل محمية الحما

الما حام حداه دخيل

ما أبوكى بخيل بت عز الرجال

أهل الدروع والخيل

والهنا... والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

الهيفا يا الخنتيل حروف آيات محاسنك

أرتلن ترتيل

يعجبنى فيك تمثيل أخلاق الملاك

فى سطوة القتيل

الفارس الجسور

غضنك رطيب وعديل شعرك ليل

جبينك يخجل القنديل

النور عليكى سديل يا معنى الجمال

الما أتوجد له عديل

فى ناس ولا حور

فقتى الكانوا قبيل ما خدات فى الجمال

جائزة نوبيل

حيرتى كل نبيل عيناك سحرهن

يسحر سحر أبابيل

يخترق الصدور

يا صاحبة الأكليل ما أظن النهار

العين تدور له دليل

محياك نوره جليل كنت أقول شمس

لو ما الزمان كان ليل

أن عليك نور

لا زلت ليك أميل يا رمز السعادة

الما أتوجد له زميل

يا آية التكميل يا مراية الجمال

الفيكى كل جميل

ريحانة العصور
************

الامى

سألته عن فؤادى وعن سبب هيامه

أجابني ما هو عارف

عشقته وجماله نظمته فى فنونى

جفانى صدى عنى تركنى لشجونى

اذا تلاشى صبر وترعرت جنونى

واذا أنبرى فؤادى لعهدى ما بخالف



حبيبى يا مدلل بحق صفا كمالك

حرمتنى وصالك وملت عنى مالك

أنا صريع محاسنك وانا أٍير جمالك

تعال شوف تعال زفيرى والعواطف



يا فرحة الحزانى ويا زينة المواكب

يا ربرب الخميلة ويا زهرة الكواكب

زمانى جار معاك وهاهو لى ناكب

بعدك الصلانى يادرة المعارف





جمالك المكمل لهانى عن سواك

وتيهك او دلالك رمونى فى هواك



حبيبي أنت ومين يكون دواك

أظن عفوك عنى ورضاك لى يوالف



أهوى الذى ضنانى وغزانى بى نباله

ولا سأل فى حالى ولا خطر بباله

يرانى أو أراه وأقيف ذليل قباله

واقوله أنت سيدى وفيم عنى صارف
********************

ماهو عارف



ماهو عارف قدمه المفارق

يا محط آمالي السلام

في سموم الصيف لاح له بارق

لم يزل يرتاد المشارق

كان مع الأحباب نجمه شارق

ماله والأفلاك في الظلام

يا دهر أهوالك تسارق

منها كم كم شابت مفارق

ما علينا الفات كله فارق

رقنا وله نعيد الملام

من حطامك أنا غصني وارق

في شن أبقيت للطوارق

غير قليبا في همومه غارق

ولسانا برده الكلام

ويح قلبي الما انفك خافق

فارق ام درمان باكي شافق

يا أم قبايل ما فيك منافق

سقي أرضك صوب الغمام

يا بلادي كم فيك حاذق

غير الهك ما أم رازق

من شعاره دخول المأزق

يتفاني وشرفك تمام

مسرح الغزلان في الحدايق

والشوارع الغر والمضايق

قول لي كيف أمسيت دمت رايق

دام بهاك مشمول بالنظان

مجلس اللذات في النمارق

والترف لا زال وصفه خارق

ضاري حسك فاح جانا مارق

وله قاطعو الريح ما هو لام

في يمين النيل حيث سابق

كنا فوق أعراف السوابق

الضريح الفاح طيبه عابق

السلام يا المهدي الامام

أين مني الودعته شاهق

باكي ناهد لسه مراهق

عيني ما بتشوف الا شاهق

أين وجه البدر التمام

أين مني الفي زهوه باسق

في شبابه نقي من مفاسق

بين ثيابه البيض المناسق

حولك اشبه رتل الحمام

يا بريد الجو فوقي حالق

ميل علي الروح ليها خالق

عدت سالم قول وأنت عالق

مقرن النيلين كيلو كام

الحبايب لفتوا الخلايق

بيني وبينهم قطعوا العلايق

ان دلال ان تيه كله لا يق

نحن ما مجينا الخصام

يا جميل يا نور الشقايق

أملأ كأسك واصبر دقايق

مجلسك مفهوم شوفه رايق

عقده ناقص زول ولا تام

من فتيح للخور للمغالق

من علايل ابروف للمزالق

قدله يا مولاي خافي حالق

بالطريق الشاقه الترام

ما يئسنا الخير عوده سايق

الحي يعود ان أتي دونه عايق

الي يوم اللقا وانت رايق

السلام يا وطني السلام


**************
يا أنة المجروح




يالروح حياتك روح

الحب فيك يا جميل

معنى الجمال مشروح

للحب زناد فى الجوف زى الزناد مقدوح

منه الجبابرة تلين لصوت بلابل الدوح

وتصاحب النسمات تفضل معاها تروح

بين نغمة الأشواق ومحاسن الممدوح



الناس تحب رؤياك بالخاطر المشروح

يا ملفت الأنظار يابسمة المفروح

وانا أهدىليك الحب حب من فؤاد مجرود

حب الشحيح للمال حب الجبان للروح



سورية فى السودان بحبى ليكى أبوح

عنب جناين الشام أتمنى منه صبوح

وانشد فؤادى الضال بين الرياض مذبوح

وأرى الهلال فىظلال تلك الخميلة يلوح



أنا لو ضمنت رضاك اكون سعيد ممنوح

يا من تسر رؤياك تفرح وتنسى النوح

تكسى النهار بجمال خديك جمال ووضوح

منه الغزالة تقيف فى موقف المفضوح



من الوله للقاك دمعى الغزير مسفوح

ناقم على الأيام مع أنه طبعى صفوح

انا والخيال فى جدال وانت بنداك منفوح

كل ما النسيم يغشاك زى الحديقة تفوح

رايق كحيل نعسان انسان رقيق وجموح

ساحر العيون بجمال فى سواك ما مملوح

ان كان تميس بنميس ان كان تموج بنموج

عدل الطبية جعل جور الحبيب مسموح

************************

أنا ما معيون

أزاى وداوى خدود وعيون

يا ناس .. أنا ما معيون

***

حليف آلأم وعيونى عيون

دائى عظيم ودواى مصيون

سامى بعيد عن العيون

وانا عقلى بقاله رقيب وعيون

أغنى عليها وأبدى فنون

أفوق الساجعة حنان وجنون

أأمل ليمها الما مظنون

وسيف هجرانها على مسنون

تجدنى مغيب وحولى شجون

كانى اسير فى حب مسجون

أملى بكل قماح معجون

موتى دنى وسببى العرجون



زينة زكية حراك وسكون

تامى جمالها الما ملكون

لو عبرنا صفاتها تكون

هى أول غانية تضوى الكون



عفاف وترف فوق القانون

دلال وسبات وهياب وحنون

فى فاهاه الدر منظوم مكنون

ومدام ومسك وعسل مشنون

ناعمة جسيمها حرير ووهون

طبيعة بطيب الند مدهون

عزيز أرواحنا لذاك يهون



ملى اذا أًبح مهيون

لمكلة جنوده خدود وعيون

لحاظة تخيف قايد المليون

وترهب عنتر ونابليون



ليها سلامى بعد ما يصون

عاشق حب قمر محصون

وبعد ما غنى الطير فى غصون

يبقالها سمير وسرير وحصون


*********************

عتيق
احرموني ولا تحرموني
سنة الاسلام السلام
عطفكم يا من الموني
كالاشعة الاسهم رموني
الشجون بالليل نادموني
الانين والنوح علموني
لو معنعن قول كلموني
حبي طاهر لم تظلموني
برضي قابل الظلم احترام

يا النفوني كفى اعرفوني
ساهي ساهر ساحات جفوني
في هواكم يا من جفوني
لا الوم ان لم تنصفوني
انعكاس الاحوال كفوني
ايضا الايام عرفوني
يوم سموما ويوما غمام

كلما النسمات عطروني
فاجأوني دموع مطروني
رب اغفر للعكروني
في وداعة الباري العروني
رب وقت يتذكروني
او يقول القايل دروني
او يحدث عني المنام

الدهاة بالسلو ما دهوني
عن تجاهكم ما وجهوني
بي تحكو وشمتو النهوني
وبرضي هايم وخاضع لهوني
لا اقول مستنكف دهوني
عن كثير عن قيس نبهوني
عن حقيقة الحب غين ولام

ما تنفس صبح او ضحى لي
الا غاب هدهد فكري ورحالي
قال قربك عين المحال
قلبي غير زكراك ما صحى لي
يكفي ان السهد اكتحالي
يكفي شاهد لي انتحالي
شاكي شاكر شاخص دوام

طاف خيالك والليل كافر
شفت بدرو المتجلي سافر
صك غاضب لقى دمعي دافر
قاللي جملة وعقد الاظافر
قاللي طبع الريم اصلو نافر
قتلو عل تريم النوافر
وعل راء الريم تبقى لام

في التفكر اصبح وامسي
ايضا التزكار نجوى همسي
وحياتي اشبه برمسي
اشكو يومي واسترحم امسي
ما عهدتك يا ليل تمسي
طلت وامتى اشراق شمسي
وانت وين يا بدر التمام

قتلو ليت الايام يندن
تبقى لانت وسحابا دندن
بلماك النيران يخمدن
ليك روحي واجزيك حمدا
قال لي كيف تستوجب لي حمدا
من تعاطى المكروه عمدا
غير شك يتعاطى الحرام
__________________
ليه يا قلبي ليه تاني رجعت ليه
رد مع اقتباس
  #2  
قديم 02-09-2006, 06:52 PM
الصورة الرمزية siddig131
siddig131 siddig131 غير متواجد حالياً
Senior Member
 
تاريخ التسجيل: Feb 2006
الدولة: Canada - Edmonton
المشاركات: 384
افتراضي

[align=center]كلمات الحسن ود سالم / نايرات الوجن

نايرات الوجن
تومي متين لي يجن
نامو الخلوق والليل جن
مرسالي جاء وقال لي جن
ماشات علي يدرجن
ميهن خفاف يتبرجن
ريفات صغار بنات عجن
زي الجواهر يلهجن
من غير شمع هن سرجن
اخدن معاي ساعتين رجن
شالن فؤادي وعرجن

جمل قوافيك للوزن
لي الجمروه وبقى للوزن
اخفي الاسوم لا تفرزن
جنّ عشوقن عايزن

فارمة الكبد بي مقصها
قصصا عياني قصها
قادت المحزم نصها
وحلاهٌ رحى بنصها

قاموا الخلوق وقفوا ليها صف
مدبور ساقك ما اصف
مراية خديدها الاتلصف
مظلوم انا وقط ما اتنصف

اصبحت حائر بي الدليل
وكايس لماك ما لقيت دليل
كاتلاني عندي عليك دليل
عينيك صاد ود الدليل

برسل سلامي بعد ما
دودا السحاب كر حبّ ماء
يمسك يديك ويلثما[/align]
__________________
نايرات الوجن ....... تومي متين لي يجن
نامو الخلوق والليل جن ......مرسالي جاء وقال لي جن
ماشات علي يدرجن ....... ميهن خفاف يتبرجن
ريفات صغار بنات عجن ....... زي الجواهر يلهجن
رد مع اقتباس
  #3  
قديم 02-10-2006, 09:20 AM
الصورة الرمزية siddig131
siddig131 siddig131 غير متواجد حالياً
Senior Member
 
تاريخ التسجيل: Feb 2006
الدولة: Canada - Edmonton
المشاركات: 384
افتراضي

زاهى فرعك
خليل فرح افندى

زاهى فرعك نما وسما
تشبهى الضو فى السما

الخدود نارها مضرمة
فى حشاى واضعة مفرمة
بي هلاكنا أنت مغرمة
طرفك الساهى كم رمى
سمحة قامتك على التما
فاهك البسمة خاتما
للبدور خدك إنتمى
فى العيون شلخك احتمى
يالقلب تقسما
وحبيب تبسما
بدر تم وقد سما
اه ما أبعد السما
يا نسيم أمشى سالما
بى لطيف شيشا حلما
بالعلى أ[قى كلما
وهاك رويحتى سلما
مجلس الأنس ضمنا
نحنا والكانو يمنا
والسرور كله عمنا
مافى هم لا همنا
مافى جاهل بذمنا
يا شقاوة البشمنا
العيون هادرة دمنا
أصله ما بيبرأ سمنا
وقفت بانة النقا
ديسا طاويها فالقا
النظر راح يسارقا
صد قال فوق خالقا
الحرير ماله خانقا
والحجيل يمشى زانقا
صيدة روايها ما اتلقى
كل شىء فيها قالقا
جلست شوف تأملا
وقفت ضجت الملا
صاح شاديها وإتملى
متنا ما سمعنا ململة
شوف وريدا وسوالفها
شوف صديرا المزالفا
شوف ضميرا الموالفا
من كفيلا المخالفا
ليلة فى غاية الصفا
حفلة معدومة الصفة
يا نديم عقب أوصفا
وأقطف أزهارها صفصفا
غصن بان إذا مشى
واذا مال واختشى
فضح الغصن والرشا
لك يا غصن مافشى
لك يا ريم ما تشا
لك فى داخل الحشا
روضة طيبة وشى
الحسان تمشى قادمة
يضوى العتمة كالدما
يا عيومى تهدما من
صياح أزرفا دما
كوكب السعد إنتمى
لك يا صاحب النما
فسلام عليك ما
لبس الروض نمنما
العيون ناعسة صاحية
والخدود يقطرن حيا
البصيبن ما حيا
ما بتزيل عطشته الحيا.

يا سلام عليك تسلم [img][/IMG]
__________________
نايرات الوجن ....... تومي متين لي يجن
نامو الخلوق والليل جن ......مرسالي جاء وقال لي جن
ماشات علي يدرجن ....... ميهن خفاف يتبرجن
ريفات صغار بنات عجن ....... زي الجواهر يلهجن
رد مع اقتباس
  #4  
قديم 02-11-2006, 03:34 PM
الصورة الرمزية Garcia
Garcia Garcia غير متواجد حالياً
Senior Member
 
تاريخ التسجيل: Dec 2005
الدولة: London
المشاركات: 5,696
افتراضي

بتقولى لا
كلمات: عثمان خالد
غناء : عبدالعزيز المبارك

بتقولى لا.. بتقولى لا
بتقولى لا لقليب عليك يقطر حنان ويذوب وله
بتقولى لا لقليب رهيف ماظنو لالالا بيحمله

بتقولى لا ياغاليه ياست القلوب يامذهله
وحياة شبابك ذبت في عينيك حنان ومغازله
سافرت فى رحلة مشاعر ملهمه ومتامله

شفت الورود من وجنتيك غيرانه جات متوسله
حتى القمر غار من صفاك واصبح يردد فى الصلاه
جاك المساء ادى الفروض داعب شفايفك وغازله
شال لون جميل من وجنتيك مسح خدودك وبلله

اصبح يلملم فى النجوم وينظم عقوده ويغزله
طرز لى جيدك بالحرير وبتقولى لا
انا بيك بدغدغ فى القلوب ياحلوه احرف واشكله
املاها رقه ودندنة وعناق حنان ومبادله
اسقيك حنان ماظنو كان فى الدنيا او كانت صله

انا بيك لو قلبك يحن عالم يجن من الوله
اسقيك حنان ما اظنوا كان دى الدنيا او كانت صله
وازرع هواك بين النجوم روضة حنان وادللة
واحكيك لحون يا غالية لو سالت والعود غازله
واخلى كل الكون اقول فنان ادوب و اغزله
بتقولى لا يا لهفة المشتاق وطعم الحلا
__________________
[flash=500,250:380fc8ut]http://drmoiz.net/uploader/download.php?downex=1669[/flash:380fc8ut]
رد مع اقتباس
  #5  
قديم 02-14-2006, 02:30 PM
الصورة الرمزية eihab nimeri
eihab nimeri eihab nimeri غير متواجد حالياً
Senior Member
 
تاريخ التسجيل: Jan 2006
الدولة: KSA
المشاركات: 1,075
افتراضي

اقتباس:
المشاركة الأصلية كتبت بواسطة Garcia
بتقولى لا
كلمات: عثمان خالد
غناء : عبدالعزيز المبارك

بتقولى لا.. بتقولى لا
بتقولى لا لقليب عليك يقطر حنان ويذوب وله
بتقولى لا لقليب رهيف ماظنو لالالا بيحمله

بتقولى لا ياغاليه ياست القلوب يامذهله
وحياة شبابك ذبت في عينيك حنان ومغازله
سافرت فى رحلة مشاعر ملهمه ومتامله

شفت الورود من وجنتيك غيرانه جات متوسله
حتى القمر غار من صفاك واصبح يردد فى الصلاه
جاك المساء ادى الفروض داعب شفايفك وغازله
شال لون جميل من وجنتيك مسح خدودك وبلله

اصبح يلملم فى النجوم وينظم عقوده ويغزله
طرز لى جيدك بالحرير وبتقولى لا
انا بيك بدغدغ فى القلوب ياحلوه احرف واشكله
املاها رقه ودندنة وعناق حنان ومبادله
اسقيك حنان ماظنو كان فى الدنيا او كانت صله

انا بيك لو قلبك يحن عالم يجن من الوله
اسقيك حنان ما اظنوا كان دى الدنيا او كانت صله
وازرع هواك بين النجوم روضة حنان وادللة
واحكيك لحون يا غالية لو سالت والعود غازله
واخلى كل الكون اقول فنان ادوب و اغزله
بتقولى لا يا لهفة المشتاق وطعم الحلا
ينصر دينك ما ريحتني ششششششششششششششششديد

[img][/IMG]
__________________
ليه يا قلبي ليه تاني رجعت ليه
رد مع اقتباس
  #6  
قديم 02-14-2006, 06:27 PM
الصورة الرمزية Garcia
Garcia Garcia غير متواجد حالياً
Senior Member
 
تاريخ التسجيل: Dec 2005
الدولة: London
المشاركات: 5,696
افتراضي


اقتباس:
ينصر دينك ما ريحتني ششششششششششششششششديد
لازم معنى كدة نسمعها بصوتك قريبا فى المنتدى ...
تسلم يا ايهاب


حاضر و الطلب رخيص
موجوده وقريب ح انزل ليك الاغنيه با صوتي
شكرا ليك
__________________
[flash=500,250:380fc8ut]http://drmoiz.net/uploader/download.php?downex=1669[/flash:380fc8ut]
رد مع اقتباس
  #7  
قديم 02-15-2006, 08:02 PM
الصورة الرمزية siddig131
siddig131 siddig131 غير متواجد حالياً
Senior Member
 
تاريخ التسجيل: Feb 2006
الدولة: Canada - Edmonton
المشاركات: 384
افتراضي

ليل وخمر وشفاه
شعر حسين عثمان منصور
غناء الراحل المقيم سيد خليفة
---------------------------

أغنيات فى شفاه الحب غنّاها الجمال
والمنى يا روح قلبى ليس يفنيه الدلال
أغرقتنى بين أمواج المنى
والمنى شطّ على بحر الغرام
وسقتنى خمر أعناب الهنا
والهنا كأس وهمس وإنسجام
علمتنى كيف أنسى من أنا
وأنا لفظ حرام فى الهيام
يا سقاة الكأس من عهد الرشيد
ما لكاسى ظمئاً أبدا وحيد
ونديمى
قد سرى نجما مع الأفق البعيد
حطم الكأس وولى
وانطفأ نجم تلألأ
وغدت
تبكى على شفتيّ أصداء النشيد
ليل وخمر وشفاه
هنّ للقلب لظاه
هنّ إكسير الحياة
شعرها ليل تموّج
صدرها الوثّاب هودج
شفةٌ عطشى .. وأخرى هى كأسُ
خمرها نار وجمرة
ليتنى لو ذقتها فى العمر مرة

[hr]
__________________
نايرات الوجن ....... تومي متين لي يجن
نامو الخلوق والليل جن ......مرسالي جاء وقال لي جن
ماشات علي يدرجن ....... ميهن خفاف يتبرجن
ريفات صغار بنات عجن ....... زي الجواهر يلهجن
رد مع اقتباس
  #8  
قديم 02-20-2006, 09:41 AM
الصورة الرمزية Mayada
Mayada Mayada غير متواجد حالياً
Senior Member
 
تاريخ التسجيل: Oct 2005
الدولة: يقولون مكانٍ ما في هذه الدنيا الفانية...
المشاركات: 321
افتراضي

ايهاب النميري

اقتباس:
يلا ياشباب دايرين مشاركاتكم في الموضوع ده


كل واحد يكتب كلمات الاغاني المعجب بيها هنا

عليك النبي اسة لو كنت نزلت كل غنية مع كلماتها كان الله بيحاسبك :twisted:

عذرا للدخلة التوووووووووووووووش :oops:
__________________
[priq]


ست البنيــــات

[/priq]
رد مع اقتباس
  #9  
قديم 02-21-2006, 02:07 PM
الصورة الرمزية eihab nimeri
eihab nimeri eihab nimeri غير متواجد حالياً
Senior Member
 
تاريخ التسجيل: Jan 2006
الدولة: KSA
المشاركات: 1,075
افتراضي

اقتباس:
المشاركة الأصلية كتبت بواسطة siddig131
ليل وخمر وشفاه
شعر حسين عثمان منصور
غناء الراحل المقيم سيد خليفة
---------------------------

أغنيات فى شفاه الحب غنّاها الجمال
والمنى يا روح قلبى ليس يفنيه الدلال
أغرقتنى بين أمواج المنى
والمنى شطّ على بحر الغرام
وسقتنى خمر أعناب الهنا
والهنا كأس وهمس وإنسجام
علمتنى كيف أنسى من أنا
وأنا لفظ حرام فى الهيام
يا سقاة الكأس من عهد الرشيد
ما لكاسى ظمئاً أبدا وحيد
ونديمى
قد سرى نجما مع الأفق البعيد
حطم الكأس وولى
وانطفأ نجم تلألأ
وغدت
تبكى على شفتيّ أصداء النشيد
ليل وخمر وشفاه
هنّ للقلب لظاه
هنّ إكسير الحياة
شعرها ليل تموّج
صدرها الوثّاب هودج
شفةٌ عطشى .. وأخرى هى كأسُ
خمرها نار وجمرة
ليتنى لو ذقتها فى العمر مرة

[hr]
1000 رحمه ونور تنزل عليه شكرا يا حماده
__________________
ليه يا قلبي ليه تاني رجعت ليه
رد مع اقتباس
  #10  
قديم 02-21-2006, 02:11 PM
الصورة الرمزية eihab nimeri
eihab nimeri eihab nimeri غير متواجد حالياً
Senior Member
 
تاريخ التسجيل: Jan 2006
الدولة: KSA
المشاركات: 1,075
افتراضي

عليك النبي اسة لو كنت نزلت كل غنية مع كلماتها كان الله بيحاسبك :twisted:

عذرا للدخلة التوووووووووووووووش :oops: [/color][/b][/size][/quote]




اول حاجه اهل بيك
تاني حاجه ما فهته قصدك انزل الاغاني با صوتي ولا اكتب كلماتا انا ولا كيف
تالت حاجه ايوه حساب شديد
لكن شرفتي البوست
__________________
ليه يا قلبي ليه تاني رجعت ليه
رد مع اقتباس
  #11  
قديم 02-22-2006, 10:51 AM
الصورة الرمزية Mayada
Mayada Mayada غير متواجد حالياً
Senior Member
 
تاريخ التسجيل: Oct 2005
الدولة: يقولون مكانٍ ما في هذه الدنيا الفانية...
المشاركات: 321
افتراضي

اقتباس:
المشاركة الأصلية كتبت بواسطة eihab nimeri
عليك النبي اسة لو كنت نزلت كل غنية مع كلماتها كان الله بيحاسبك :twisted:

عذرا للدخلة التوووووووووووووووش :oops: [/color][/b][/size]



اول حاجه اهل بيك
تاني حاجه ما فهته قصدك انزل الاغاني با صوتي ولا اكتب كلماتا انا ولا كيف
تالت حاجه ايوه حساب شديد
لكن شرفتي البوست[/quote]


والله يا ايهاب كان نزلت الغنية عشان نسمعها بصوتك مابنقول لأ، كمان كان نزلتها باي صوت تاني اصلنا مابنقول لأ...

وفي الحالتين مشكووووووووووور وماقصرت تبّ...

__________________
[priq]


ست البنيــــات

[/priq]
رد مع اقتباس
  #12  
قديم 03-02-2006, 07:01 PM
الصورة الرمزية siddig131
siddig131 siddig131 غير متواجد حالياً
Senior Member
 
تاريخ التسجيل: Feb 2006
الدولة: Canada - Edmonton
المشاركات: 384
افتراضي

الحالم سبانا
محمد عوض الكريم القرشي
عثمان الشفيع

الحالم سبانا احب طرفو الكحيل
اكرم لي هوانا يعيش محيو الجميل
في انظضر بهاهو زي الفل مفتح
يا ورد الخميل وين بنشوف نظيرو
يمرح في شروقو
ويصدح في الاصيل
ما احلاها بسمة
وما أسماءها رسمه
تفرح للحزانا تحمل لي غنانا
ترمز عن كتير
تامل فيه مره وشوف دل العذارى
تلقى الصوره تحلف يوسف بي اطاره
الللاء عيونو والبيضاء سنونو
كم يسبيك زهرو كم يغريك ثغرو
هالكنا الامير
اما جسيمو ناعم
الفن فيه خاتم
والحاجب قمر
اليكفيه بانو مخلوق من جنانه
رب الكون امر
ما بتقدر تعائن لما تراهو بائن
لاس الحور قلاده
وخاتي النور وساده
مخلوط من حرير


[hr]
__________________
نايرات الوجن ....... تومي متين لي يجن
نامو الخلوق والليل جن ......مرسالي جاء وقال لي جن
ماشات علي يدرجن ....... ميهن خفاف يتبرجن
ريفات صغار بنات عجن ....... زي الجواهر يلهجن
رد مع اقتباس
  #13  
قديم 03-13-2006, 02:03 PM
الصورة الرمزية Aburizga
Aburizga Aburizga غير متواجد حالياً
Senior Member
 
تاريخ التسجيل: Aug 2005
المشاركات: 3,325
افتراضي

المبدع إيهاب
لك التحايا حتى النهاية



ما خلاص نحنا افترقنا .. وروحت ريديتي البريدا
قسمة غايتو بعيش بدونا .. لا بإيدي ولا بإيدا

يا زمن ما بتنسى أصلك .. حالتي قايلك انت ناسي
لا بتشيل الفرحة عمرك .. لا مرة هونت القواسي
لما عشت عيون جميلة .. فيها رسيت المراسي
جيت تبكي الفرحة فيني .. زي شموع باكية الأماسي

قسمة غايتو أعيش بدونا .. لا بإيدي ولا بإيدا

لما نحن بدينا ريدا .. اصلو ما قايلين بنشقى
كنا قايلين قدر نيتو .. أي زول في الدنيا بلقى
تاري لما دروبنا لمت .. لينا كانت خاتة فرقة
وأصلو ما قايلين حنانك .. يا زمن بنعيشو حرقة

أبكي يا عيني

أبكي يا عيني فراقا .. ودمعة ما تخليها فيك
والزمان الشالة منك .. تاني شن خلاهو ليك
أبكي عيشي الدنيا آهة .. في السعادة ولا عليك
يا حليلك وانت ضايعة .. ويا حليلو البشتهيك


أكبي يا عيني ... أبكي يا عيني ... أكبي يا عيني ... أبكي يا عيني ...أكبي يا عيني ... أبكي يا عيني ...

وااااااااااااااااااااااااي يا عيني
رد مع اقتباس
  #14  
قديم 03-14-2006, 08:14 AM
الصورة الرمزية siddig131
siddig131 siddig131 غير متواجد حالياً
Senior Member
 
تاريخ التسجيل: Feb 2006
الدولة: Canada - Edmonton
المشاركات: 384
افتراضي

عايز اشوفك ... يا ايهاب اخوى

كلمات : السر أحمد قدور

أداء : العاقب محمد حسن

يا حبيبي نحن اتلاقينا مرّة
في خيالي وفي شعوري ألف مرّة
ألف مرّة عاش سلامك
والليالي تـقـول كلامـك
والبعاد يشعـل غـرامك
وبالمحبة عيوني ساهرة
عايز اشوفك تاني مرّة ألف مرّة
من بعيد بتعيش معايا
في فؤادي وفي عيوني وفي دماي
حبي ليك من البداية قصة حلوة بلا نهاية
قصة حلوة وقالوا مـــرّة
عايز اعيشها تاني مرّة ألف مرّة
يا حبيبي أمنياتي إنتَ يا أحلى الأماني
الليالي تغني لو نتلاقى تاني
أشكو ليك يزيد حنانك من حناني
وتقول معاي كل يوم
كل يوم نتلاقى تاني ألف مرّة
__________________
نايرات الوجن ....... تومي متين لي يجن
نامو الخلوق والليل جن ......مرسالي جاء وقال لي جن
ماشات علي يدرجن ....... ميهن خفاف يتبرجن
ريفات صغار بنات عجن ....... زي الجواهر يلهجن
رد مع اقتباس
  #15  
قديم 05-02-2006, 09:19 AM
الصورة الرمزية الرواسي
الرواسي الرواسي غير متواجد حالياً
Senior Member
 
تاريخ التسجيل: Jul 2005
الدولة: South Korea
المشاركات: 204
افتراضي

يا فرحة في بحر السراب

يا كلمة في أول جواب

يا واحة في ليل الصعاب

يا خيط شعاع وسط الضباب

يا نجم من دنيانا غاب

يا أغلى ما تحت التراب

من خلف قضبان العذاب

ليك برسل الآهات خطاب


يا يمة يا الأمل الرحل

قبال يقول كلمة وداع

يمة يا النور الخفت

قبال يرسل خيط شعاع

يمة يا دمعة فطيم

خلوهو لي ليل الضياع

يمة يا مركب نجاة

غرقت قبل تفرد شراع

يمة يا نجمات صباح

مرن سراع مرن سراع


يا يمة من بعدك أنا

أصبحت للأحزان وطن

دروشت في خلوة أساي

سبحت بي خرز المحن

كتحت صبري أنا للرياح

غنيت للأحزان بكن

دقيت باب الذكريات

كان ألقا لي هناك سكن

لا لقيت صورتك في الخيال

لا شفت من بعدك زمن

ودرت لي درب الرجوع

كل المعالم إختفن


فتشت في كل البلاد

كان ألقا لي طيبتك مثيل

دورت في كل البقاع

شايل عذاب ليلاً طويل

زادي الوحيد كان الصبر

في الظلمة والزمن العليل

زمناً يشيل حق الضعيف

يديهو لي عابر سبيل

زمناً يغير كل شئ

حتى الزمان كان مستحيل


يا يمة كيف يتبلّ شوق

والشوق على كل يوم يزيد

لا إنتي بنتي ولا هو راح

لا غيرو الزمن المديد

يمة من بعدك لا فرح طلانا

لا ضمانا عيد

غير خيط فرح يبدا ويروح

كل ما أقول يا داك فرح

ألقاهو مني بعيد بعيد


لكني راجع ليك أنا

بالرغم من كل المحال

جاييك عشان أعرف خطاي

من وين تستف للرحال

جاييكي لو كان مستحيل

جاييكي لو كان في الخيال

لاقيني لو كان في الحُلم

ما الدنيا من بعدك زوال

عنواني خلف اللاوجود

يا أُمي يا أبعد منال

*******************


القدر في يوم فرقنا

يوم بقيتي هناك براكي

أنا أصلي لو بالإيد بسافر

كان زمان سافر معاكي

إلا سفرك قاسي دربو

وكان سفراً من غير رضاك

يمة آه من حالي بعدك

يمة أنا اتعذب وراكي

كنت بفتش عنك أسأل

وماني عارف سر مداكي

أنا كنت فاكر الرحلة برهة

وتاني ترجعي لي جناكي

إلا سفرك قالوا أبدي

يستحيل طبعاً لقاكي

يمة كنت دايرك قريبي

يضوي دربي بها ضياكي

لما أبكي تسكتيني

أنا لو أبيت بيزيد بكاكي

من حنانك أروى أنهل

أشرب وأصغى أسمع من غناكي

يمة دا المكتوب عليّ

إني أحيا وأعيش بلاكي

لازم أرضى القاسمو الله

مهما ضقتا الويل وراكي

وياني ساير فوق دريبك

مهما إبتعدت خطاكي


****************


رسالة إلى دار البقاء


شعرى الحزين يا يمه يحكى ليــك كيف بعدك أنا

وكيفن كمان فى الدنيا رحتا وتهتا فى درب الغناء

يانى الجنيت على الزمان أو كان زمانى على جنى

شعرى الحزين يا يمه يحكى ليك

ساعة جن قوافل القدرة ساقنك معاهن

ورحتى لى دار الخلود

سألتا عنك يايمه ما خليت دار (جار)

وبكيت عليك من غير حدود وين أمى

يا ناس الفريق ؟؟

نزلت تحت خلتنى ليه ما كان تسوقنى

فى ساعة الحليب عند الورود

ويسكتونى يايمه بى تعريفه أو حبات تمر

ويقولوا لى أمك مشت سوق الشرق وهسع تعود

صدقتا أنا ما عارفك يايمه فارقتى الوجود

وما عارف إنى وراك اكبر واجرى بدرب البنات

قلبى داك ماهو الرهيف تلقى

يمه يشابى كل ماواحده جات

ولولا العمير عند سيدو كان بدرى سمعتيبوا مات

وقصة شقاوتوا وراء البنات يايمه تب مابتتحكى

يمرق صباحوا يلمهن يضحك معاهن يتبسط

ويرجع وراهن تانى للنوح والبكى

عذبنوا جرحنوا من الجروح ما لاقى صفحة

عليها يرقد ينتكى

ومالاقى صاحب وجعة يبركلوا الفكى

ناس المحنه يمه فاتو وخلو ينين يشتكى

أهو غايتو حالى حالوا ما حالا بشع

لليلى جارى وراء البنات يايمه لا اكتفى لا قنع

بس الفضلو تجيهو بالليل فى المنام

تهديهو لى كان يقتنع

ولا اندهيلو يمه رب العالمين

والأولياء والصالحين

إن كان يتوب قبل العمير فاضلوا تو ماينقطع

اهو غايتو حالى يمه نوحى واساى

بكرة القدر كان جاب رواحلوا

وجانى شن خليت وراى

غير عبرة فى ليلاً طويل

ودمعات سكبتها فوق أساى

وصبحن بقن شعرى وغناى

ماياهو قدرى وجانى عاد براى

مالازم اصبر كمان واتحمل اذاى

وعشان كده أنا اصلى ما حدثتا زول

وما داير زول فى الدنيا يكون متعذب معاى

بس داير اقولك شعرى البهديهو ليك

امسكى عندك واحفظى وختيهو

لمن ولد الغناى يجيك


***********************

يمـــــــــــــــــــــــ ـــــــــــــــة

شوفي الزمن يا يمه ساقني بعيد خلاص

در درني واتغربت واتبهدلت وريني الخلاص

ساقني القدر منك بعيد لآذيا كاس جرعني كاس

يا يمه يا فيض الحنان الما كمل

يا يمه يا بدري البشع دايماً يهل

يا يمه يا نور الصباح وكتين يطل

وآشري يا زينوبة ولدك في بحور الشوق كتل

محروم من الحب والمحنة وراك همل

يا يمة يا بحر المودة وكتين يفيض

يا يمة يا شعلة أمل زادت وميض

يا يمة يا عنقود كلام منظوم قصيد

يا يمه يا نغماً حنين بالشوق يرن …

وأفكاري فيهو بيرتعن … دمعاتي شانو بينزلن …

واتذكر يا يمه في الدغش النسايمو يهبهبن

قايمي الصباح متكفلتي شايلي الحليلي علي المراح

والساعة ديك يا دوب ديكنا بدأ الصياح

والطير صغاروا يغردن …

جبتي اللبن بي انشراح

واتذكر يا يمه في وكت الهجير

صالياك نار الدوكي عستيلنا الفطير

رشيتي قلتي أكلوهو خير …

واتذكر يا يمه يا بسمة الطفل الغرير

وكت الخلوق ترقد تنوم وأسهر براي

أرعي النجوم …

والشوق يرف جنحيهو بي فوق لي يحوم

وأهتف باسمك في الخيال

طيفك كمان بي فوقي جال

وأتمني لو لحظات يدوم لكني فجأة ألقاهو زال

واتذكر يا يمه ساعة الناس يجونا من البلد

ناعم ترابه علي جسيماتن رقد

ريحة التمر فوق الهدوم

ولون الخضار خانس لبد

والشوق أوارو بيشتعل

كان ظني فيهو يكون خمد

واتذكر يا يمة والناس قالوا راجعين البلد

رصوا الهديمات عدلوا ركبوا اللواري وقبلوا …

خلونى وحيدى بلا انيس

كيف إنفرادى إتحملوا

شالوا السلام من عندى ليك

وإن شاءالله عندك يوصلو

يايمه ساعت يوصلوا ويقولو ليك

شفناه فى بلد فى بلد الأمان

انبسطى يا نبع الحنان

وانا حالى يشهدبوا الزمان

يايمه رسلى لى عفوك

ينجينى من جور الزمان



*******************


يا واهب بقية عمرك المنفى

قصاد غُلب الحنين والشوق

وضياع الجيهي والمرفأ

شيل طول الليالي براك

وجم حيل غنوتك جواك

وحير بالصبر منفاك

لو باقي العمر كفى


شوف من ميسو جاك العيد

وفتق فيك جروح الريد

وحالتك لما تبقا بعيد

كنت قايل الجراح تشفى


جنيت من حبك الترحال

وصبح وصل الحبيبة محال

ما قليب الغربة حنّ ومال

وبرغم قساوتو كان أوفى


علي ذكراهو كنت أمين

ورويت كل المسافة حنين

خلاص أعطش براك سنين

بعد قلب الحبيب جفَّ


شذاك الكان مزكي الروح

يخصم بالرسول النوح

على صدرك عبيرو يفوح

وكت في حضنك إدفى


نزف كل الغرام الكان

ورماك في جب من الأحزان

تقاسي اللوعة والحرمان

حضن بلداً بعيد ضفة

ويا واهب بقية عمرك المنفى


*****************

يا ناقش الإحساس على وتر الندم

هيج سوالف الذكريات

حبك منابع الآهة دم

يا راسم الحزن الدفين

في ظل تجاعيد الألم

أخفيت معاني البسمة وين

أديت ملامح الصورة هم

الصادقي في حس الخيال

الجايـي بي واقعو إصطدم

ما بيني ما بينك مدار

قدر سنين ترحالو كم

لو إنتا موصوف بالضياء

دافر ظلام ليلي الهجم

أنا ذاتي معروف بالشموخ

إحساسي يلصف بالقيم

ولا لي جناح أنا شان أجيك

خلقوني من حظي السجم

يا وحي إلهامي وغناي

أحييت رفاتي من العدم

ما بين جدار قلبي الجريح

متوهط أهداب القيم

أعذرني لو صعب الوصال

عارفني محكوم بالقدم

كيفن بجيك وأنا في القيود

لقيانا متروك للقسم


****************

زي لون الفرح زي نسمة

زي طعم السعادة أماني

من عينيها أول نظرة

ذوبت العناد في كياني


أحلى من الأمل والله

أحلى من الربيع وأزهارو

لا محدود ولا متناهي

نوراً فيني أشعل نارو

دون إحساس وقفت أمامها

دقت لي هواي أوتارو

غنيت في جمالها أغاني

من وحي الغرام وأشعارو


إرتديت بعد ما تبت

من قولة بريد وبعاني

حتى شقاي يوم ودعتو

عارف نفسو راجع تاني

عارف إنو في أيامي

أقدار بالعذاب راجاني

وأشواق ما بتخف تتضارى

بي آلامها تتحداني


سلمت ورضيت بالقسمة

بي لهفة فؤادي وحالو

بي أحلام عيوني الساهرة

بي طيف الحبيب وجمالو

عارف ما بقاوم حسنو

يأسرني الجمال في دلالو

تأسرني النداوة الفيهو

والرقة وبشاشة إقبالو


خايف من ظروفي تعيدني

لي أسف العواطف تاني

وأرحل بي دروب ودارة

وأغرق في بحور أحزاني

إتناسيت زمان المرة

حتى زمانها إتناساني

كيف أنسى الملكني هواها

كيف أنسى الأماني أماني


يا كعبة طواف إحساسي

يا مرسى الجمال ومدارو

جيتك والأمل سايقني

لي ورد الخدود ونضارو

أفتحي لي باب في الجنة

بي همسة هواك وأسرارو

وأسقيني الفرح وإستني

أعرفي قلبي إيه أخبارو

في عينيك تديم الروعة

وأروع ما حواهو زماني

تتوهج تشع زي فكرة

زي نجم الصباح الداني

أفتحي لي فيها مكانة

خليها التكون عنواني

مادام فيها لي تتجلى

قدرة ربي يا إيماني


**************


لا إنهدّ حيل سقف الصبر

لا الأرض وقفت من تدور راجاني

لا إسترسل شعاع عين الشمس

لا بقت الشمس حفياني

وأنا الجاييك متقتق بالصبر

ما كنت قايل في طوافي عليك أعاني

وأنا الأحرمت من وادي الحزن

وسعيت ما بين شقاي وأحزاني

وأنا الساسقت في بهو العمر

يا ريت خطاي أنا الأماني أماني

لكني آه أنا من عرانيس الزمن

بالخطوة مالن وإتهدم بنياني

مارق على نص الدرب

قابض علي آخر شعاع من الشمس واساني

ماسك علي سلاح الصبر

مسنود على عكف السنين وأحلامي

وأنا المتوكئ فوق ضهر الأسف

قاطع في آخر العمر أحزاني

قاسيت ملفي على الزمن

يا خلا آه تاهت خطاي حيراني

إتوالن علي محن السنين

شهدن علي وقت انشهب شرياني

داير علي حلق الزمن

من بدري كان داير عليهو زماني

شابيت أحوق في العمر

حسيت بي نصب السنين وأحقاني

جربت أقاسي من إحتمل السوس ينقر

في حروفي بياني

ما الأرضة جربت الحجر

وقت إيدها كانت باليقين ملياني

والروح بتبقا حمو الجسد

طالما الشجن يوماتي يوت والاني

لكني ما قدرتّ يوم أدخل دهاليز الأسف

وأمرق مشبع بالهموم وأشجاني


***********************

صدقني في ليلة الزفاف

وأنا باكية بالدمع التقيل

ما ناسية للعهد القبيل

وريني كيف يسعد قليب

زفوهو بالنوح والعويل

ديل التباريح والحزن

عاد سواد ليلاً طويل

أعذرني يا عشق الخلوق

ما بي إيدي اخترت البلديل

إختاروا لي أهلي الكبار

منعول أبو المال البحيل

أنا كنت دايراك في اليمين

والدارة طرباني وتميل

في الحني والزين والضرير

قايدني للشبال تشيل

إلا الأهل حرموا القلوب

من فرحة العشق النبيل

عاذراهو قلبك لو يلوم

قبلاني لي همك أشيل

إنتا المنى ومعنى الهنا

جاني السراب كت لي يميل

أيامي من بعدك بقت

أفراحا بعد من سهيل

يا حليلي من واحات هواك

عيني كانت بتقول حليل

ما ناسية أيامنا المضن

من كاسا نشرب سلسبيل

نجوانا لقيانا الزمان

بين الأزاهر والنخيل

كيف أنسى زولاً صان هواي

ظاليني بي ظلو الظليل

ذكراك دايماً في القليب

أنساك كان من المستحيل

أسفاي على بيت الحلال

لافيهو بسمة ولا عديل

أسفاي على السعد الرحل

فاقد دروس روض الهديل

أسفاي على النغم الحزين

الباكي دمعاتو وتسيل

أسفاي على الولد البكون

في رحمي ليهو سواد كتير

سائلي الله يديك النعيم

من زخمة الأفراح يكيل

ينزل عليك غيث السحاب

ويخدر اليا دوب شتيل

أنا سيبني لي ألمي وبكاي

أحزاني ما نواية الرحيل

ما بين لهيب ذكراك أنا

أندب حظوظ قلبي العليل


*********************


إتنكري سوي البيبقالك عديل

لي في صدودك كتري

زي ما صحابك قالوا ليك

أنسيهو لا تتذكري

أنسيني أنا لا تتذكري

وتابعي الوشاية وأغدري

لكن محال ما بتقدري

أصلك بلاي ما بتقدري

كان تقدري

أنسيني في موعد لقانا إتأخري

كان تقدري

شيلي السعادة وعزليني وبدلي

كان تقدري

أنسيني لا تتذكري

لكن محال حتبدلي

... إتصبري

لمن تشوفي مسدلي

بالك يطوفك في الخيال وتودري

لمن تشوفي مسدلي

بتهللي وتستبشري

يا السمحي لمن تكبري

يا الملكي لمن تكبري

حتعرفي ليه ما بتقدري

كان تقدري

أنسيني لا تتذكري

كان تقدري

شيلي السعادة وعزليني وبدلي

لكن محال حتبدلي

... إتصبري


**********************

ياما زرعت الشوق

وفرشتو للأقدام

الدايرة لي قلبي

تلقيهو لي قدام

أنا كم هويت عينيك

وريتن أحلى غرام

خبيتو من الناس

وخايف من النسام

ضاريتو من العين

في الصيف بقيتلو غمام

وكان في النهاية جزاي

إنو الزواج أقسام

إيه ذنبي شان أزرع

وأحصد دوام آلام

وكل ذنبي إني هويت

وعليت عليك أحلام

سارح مع الدوبيت

عيشني في الأوهام

وكان في الختام حبي

حاكمتي بالإعدام

أنا كم زرعت الريد

في واديك هـبّ وقام

سقيتو من دمي

راجيهو عام فوق عام

حصدوهو كان الغير

بعد الفراش الحام

وكان ردِك إنتي علي

فرقتنا الأيــــــــام

أنا كنت مفتون بيك

وبي ثغرك البسام

ناسي إنو خافيـي وراك

كاس المحرم سام

صابر شربتو كتير

مغموم قليبي وهام

راجيك لو تعرف

ترجع في يوم تتلام

خليني من حبك

من قلبك الظلام

ما أنا شفت في عينيك

الكون دا كلو ظلام

مغرورة بي نفسك

قايلي الجمال أجسام

لا لا الجمال زايل

زي الشفتو كلو جدال

ياما بلاقي قلوب

تسقيني ريد وهيام

لكن بدور أوصيك

ما تشيلي تاني حسام

ترميهو زول يهواك

ياما عليهو سهام

مركب نحاسي خلاص

من قيدو فـرّ وعام

يتحدى للأمواج

ويصارع الهدام

وقلبي الجريح بدري

الليلي صار ضرغام

لميتو من أشواك

ما إنتي سبتي حطام

ياما زرعت الشوق

وفرشتو للأقدام


****************


ضمني يا ليل الغلابة وضمني

لفني وأبلعني في جوفك هناك ولمني


بسألك بالفيك مسك قلبو وشهق

بالبيبكي ودار تشقو العبرة طق

بالكتم سر حبو لا باح لا نطق

قولي مخلوق حظي منك

ولا من حظي إتخلق ؟


إنتظر طاوعني لا تعجل تفوت

يبقى ما تلقاني بكرة وراك أموت

ودا إن حصل ألبس سوادك وحدني


مالك إتحيرت يا ليل في الكلام

ماك شايف الدنيا في عيني ظلام

والقليب عميان يفتش في الزحام

لي قلوباً طيبي ما عرفت خصام


في زمننا الطيبة راحت وما إتلقت

في دروبها جريت والكرعين حفت

والبقول يمسح دموع عيني يزيدها يتمني

آه يا ليل يا ليل


***************************


الشاعر : إسماعيل حسن

بلا خبر

طقّ الخبر مالي البلد

قالوا العريس قام بالأحد

الحلي جاطت والحريم يتهامسن

جاي الولد

كوم من بنات للبير ورد

يتحدثن جاي الولد

وا بختها وا شوقنا

نحنا الفينا جمر الشوق وقد

كل الحديث الليلي

فوق بت البلد


لامن خلاص الليل دخل

وآخر شعاع من الشمس روّح نزل

ضو القميرة جاء من بعيد بهر قدل

دافر ضلام الحلي قدامو ووصل


ناس البلد النام رقد

والماسك السبحي وعبد

مشغول هو بي خبر العريس

القالوا قام بي قطر الأحد

راقد هناك بعيد بي غادي


في آخر الديار

راكوبة ضلها أحرّ من حر النهار

كوم من بروشها جريد تمر عيدان صغار

ودلوق هدوم موروثة من زمن الكبار

وتلات عناقريباً صغار كرابة متقطع نزل

والنوم من البي فوقا روّح تب جفل


راقد هناك كوم من ضياع

مركب مسافري بلا شراع

أحلام مسافري بلا وداع

ودموع ضياع تتجارى

من غير انقطاع

أحرف أنين

ما خطتن إيد بي يراع

الليل نجومو يودعنو

خلاص مسافرات هن سراع


بت البلد عبراتها سدت في الحلق

تبكي وتنوح وتشرب

دموعها وتنشرق

لمان حسيس نقارة

جاها من الشرق

قامت مع الليل صنقرت

وبكت بكت

شالت طريحتها

للدميعات كفكفت

فجأة السنين الفاتوا جن

وأيام زمان إتلملمن


إتذكرت كانت تقوم

فجراً صباح

لمان يقوموا أهل الصلاح

أبوها شايل السبحي صاح

يا شافعي سوي الشاي

سريع شدي الملاح

شيلي المناجل وأمشي

قدامي الجرف

وإتذكرت كانت تسبقو

وتمشي تنزل بي تحت

تمسك سبيطة التمرة

بي إيدها وتحِت

تقعد تحُش اللوبي

للكاويق تقُش

تصل البحر والموج

يداعبها فوق هدومها ينُط يرُش


بعدين تشيل القش تفوت

واليوم يفوت

وتفوت سنين

وتمر سنين

يكبر عمير بت البلد

يكبر معاهو كمان حنين


وفي يوم صباحو صباح هنا

واحة عبير نغمة غنا

ريحة لبيني مقننة

مرّ الجنى

وسلم على بت البلد

زي عادتو سلم وابتعد

تابعاهو عين بت البلد

بت البلد سمعت ضريبات القلب

يا الله مالو

أداها القلب

بعد الثبات كيفن خِرِب

بت البلد عرفت تحِب


واليومو داك بت البلد

ما جاها نوم

ما دام خيال ود البلد

يمشي ويحوم


بين الخيال شافت وجيهو

الهاش وباش

شافت عيونو الفيها

فيض أحلامها عاش

شافت سحاب الريدة

فوق واديها راش


بت البلد تاهت مع الشوق

الما عاد ينكتم

والصورة هادي

الفي قليبها بتترسم

وصمو علي نونات

خديدها صِبِح وصم


تاهت مشت سايقاها

دقات الدليب

لي دار حبيبها منى القليب

لي قعدة عصراويـي

فوق العنقريب

للونسي والخاطر يطيب

لي مسكة في إيد الحبيب


الوقفة قدام الجنات

القرمصيص وغنا البنات

يا الله وين تلقى الثبات

والصفقة من تالا الولاد

ما بتسمعها وجاياها

من آخر بلاد


إتذكرت كيف حاج مُحمد والدها

قال ليها ما عندك أدب

تعبان سنين فوقك تعب

وديكي لي زولاً كعب

تربال وعيشتو عدم عدم

لُو قاري لُو ماسك قلم

تاخديهو تندمي صح ندم

يشقيكي يوريكي الألم


وإتذكرت كيف حاج مُحمد والدها

وصف العريس الجاي

بي قطر الأحد

كتر محاسنو وعددها

راجل موظف وعندو مال

يأويكي في بيت الحلال

تبقيلو لي أم العيال


إتذكرت لمان أبت قول

حاج مُحمد والدها

كيف نهّرها وحالف يمين بيودرها

لو ما رضت بالجاي

بي قطر الأحد

إتذكرت كيف الحبيب ود البلد

في الغربة روّح وإبتعد

وبكت بكت بت البلد

لما الخير ذاع في البلد

إنو العريس قام بي الأحد

الحلي جاطت والحريم يتهامسن

جاي الولد

كوم من بنات للبير ورد

يتحدثن جاي الولد

وا بختها وا شوقنا

نحنا الليلي جمر الشوق وقد

لكنهن ما عرفن الشوق كيف وقد

ما عرفن إنو شوقها تب ما ليهو حد

مو للعريس . ليهو الحبيب ود البلد

دا الراح وفي زحمة ضياعو هو ما إتوجد

يا حليلك إنتي يا بت البلد


**************************


عابرة يا بنت المداين

والمدن ما فيها عشرة

يا حليل أيامها راحت

خلفت جواي حسرة

كل ما اقول آخر دي عابرة

تاني ألقا اشعاري تسري

تندفع قدامي دافرة

زي مياه النيل بتجري

وفي بوادي أحزاني فاضت

وما إكتست وجداني خضرة


للأسف يا عابرة عارف

إنو في دربك ضياع

إلا برضو مصر أجازف

حأظل طول عمري ساع

ولي عيونك لازم أوصل

وحتى لو ما اليلي بكرة


حبي ليك يا عابرة صادق

حبي ما بيعرف فنادق

حبي من وحي الخنادق

من زفير نفس البنادق

ولا بيقيف قدامو عايق

ولا الرياح تمنعلو هجرة

كيف سواسيوك أسوقها

في الضحى الحلق حِدي

فوق جزارات غالي سوقها

بيها كل المافي زيو

ولا قدرت أخش أتاجر

لاني قادر أرجع أقرأ

أقرأ إيه من غير عيونك

وإنتي لي عيني سراجها

كيف زمانن قلّ نورو

وشع فيهو الروح وإبتهاجها

وكل ما أصيح يا عابرة وينك

وفي الصياح تخنقني عبرة


دا الحرام يا عابرة ظاهر

شرحو ما بيصعب علينا

والحلال طيراً مهاجر

ما بيرك يوم في المدينة

وتقرع أجراسو المداين

والطيور إيمانها فطرة

ما الطيور إحساسها صادق

تعرف الفجر الحيطلع

صادقي والإنسان مخادع

حتى لو كان دابو يرضع

الجبال أبت الأمانة

وشالها هسع الواطي جمرة

ماضي في دنيا عنادو

اليفوت كان فيها ينفع

مهما كان إدراكو واسع

عابرة ما علم الله أوسع

وشوفي كيف روعة جلاله

لما قال للأمي أقرأ

عابرة يا بت المداين

والمدن مافيها عشرة

يا حليل أيامها راحت

وخلفت جوايّ عشرة


********************


سامحني وأصفح يا حبيب

ساقوني منك بالغصب

ندماني ليه سبتك براك

تتباكى في نص الدرب

طمني حالك إنتا كيف

والبي ضمة ما صِعِب

أنا أصلي زول احساسو مات

من بدري معتاد على الضرب

كم مرة شانك يا مناي

من حنضل الآلام شِرِب

من خشمي تتقاطر دماي

يوم ينطق إسمك بالكضِب

لفوني من نص الديار

يوم عرفوا إني ليك بحب

لكني كل ما زاد بعادي

لقيتو شخصك لي قِرِب

سجنوني بين أربع حيط

زربوني من جيهتك زرِب

لكني شايفاك كل يوم

هل طيف خيالك يحتجب ؟

والوني بالإيد واللسان

ما فيّ شيتاً ما سِلِب

غير حبك الما قدوروا يوم

يصلوه .. ما ساكن القلب

أغرب شئ إني بي وراك

إنزلّ وإنهان وإنضرب

لكني في لحظة لقاك

أنساه زي الكان لعب

وريتم إنو أنا لي حبيب

لو خنتو بشعر بالذنب

ساقيني راويني المحبة

ومن حنانو كمان شِرِب

يا أخوي زي ريدك ولادك

قلبي للمريود بِحِب

والله لو حاس بالعلي

ما بترضى بيتي أنا يتخرب

زي ما بتدرولهم السمح

لي برضو خير الدنيا حِب

لكني ألقا الدايرة وين

من ناس ماعون خيرهم نِضِب

بالشورة زي بيعة الملح

باعوني في السوق بالجلِب

وما راعوا لي أُمي الدوام

تتباكى شاني وتنتحِب


********************

مادام هي ما راعت شعورك

لا ضميرها هي إستحى

أنساها والبكاء ما بيفيد

قشقش دموعك وأمسحها

كلمني شن وداك قبيل

تسرد مشاعرك تفضحها

خليت حي السوق رياض

يانعة وزهورو مفتحة

طولت إيدك لي قطوف

زهرة وغميسة مسارحها

زي ماهي عاشقي الإغتراب

برضو إنتا عاشق مسرحها

صح كنت يا مظلوم

دايماً تشكرها تمدحها

ما كنت فوق كل البنات

تسرد محاسنها تشرحها

كانت عواطف إنسان ضعيف

ساكت جناحي مجنحة

إن شاء الله منها تتعظ

تكون عظات تتوشحها

كانت حساباتك غلط

في القسمة والضرب إتمحى

إتأنى في جبر الكسور

بالراحة أجمعها وأطرحها

وآخر شئ كان تعرف براك

حتى الغرام بقا مصلحة

بت حواء يا مظلوم بقت

بالمال قلوبها ملقحة

يا ريت قلوب الناس

قبل ما تحب تخش المشرحة

يقروا المكامن في القلوب

كيف الشرايين تنضحها

ويتراجع النطقه اللسان

صح والله زي ضل الضحى

مغرورة ما دارت سكون

بلداً شقاوة ودردحة

لا تمشي تنزل بي تحت

لا حتى أرضك تنقحها

لا بوغة لا موية شراب

لا واطة ماها مصلحة

لا شلت للمحرات فطور

لا شتلة ماها مصفحة

كانت قبيل طمعاني فيك

فارساً جيوبو متمسحة

دايراك يوم جيت للعرس

نار الله في الناس تقدحها

الشيلة بالشنط الكبار

مقفولة راقدي مبطحة

في الحلي والناس دار

تشوف متين تجي تفتحها

وكان بالها في شهر العسل

طول الزمن ما يبرحها

ترحل معاك لي بيت كبير

موكيت وحيطو مصلحة

عربيتك الملك الحلال

وجلد النمر والملفحة

بتوجاز مولع وديبفريزر

والريموت والمروحة


*****************



لا بي إيدك

ولا بي إيدي

دا الزمان الإختار كدي

نفترق والفرقة حارة

ونرضى بي حكم الإرادي

يوم فراقك طعنة كانت

غايري في أعماق فؤادي

شلت الأشواق وصابت

حبي ليك وسامي ريدي

رغم إني بصوم عليهو

وكان فطوري وياهو زادي

كنت حافظي جميع عهودك

وإنتا جرتا نقضت عهدي

أصلو قالوا البادي أظلم

وإنتا جيت بي ظلمي بادي

أنا شفتا من بعدك مصايب

كنت فوق نيرانها قاعدي

أنا من أوارى فرش لحافي

من لهيبها طبق وسادي

والفرح نافر مجافي

تملي شارد من غادي

زي سراب أحلامنا ودع

ودع لا وقف لا دار يهدي

على مصايبي تراني صابري

والبيصبر الله بدي

الله بس ياهو البيعلم

بي نزيف قلبي وسهادي

ياما ساهرت الليالي

وبي نواحي نجوما شاهدي

ساوي من ذكراك غطايا

وفوق لحاف أحزاني راقدي

ويا زماني كفاية أرحم

فيني شمتت الأعادي

خلي ماضينا اليروح

زي سحاب الصيف يعدي

ماني دايري أعيش زماناً

فيهو ما ينتم قصدي

ماني دايري أعيش زماناً

ذكراهو تواري معاودي

ماني دايري أعيش زماناً

سدّ بيني وبينو وادي

ماني دايري أعيش زماناً

ما عرف قيمة وجودي

ودايري أنسى الذكرى زاتها

رغم إنها فيني خالدي

أنا إعتزلت الريدة بعدك

وفي الغرام حصلت حدي

وإحتمالات عودتي ليك

في العقل تب ماها واردي

الغرام حرمان عليّ

أنا من زمان طاراهو عهدي

كيفن ألدغ مرة تانية

وكان قبل دا أنا ضقتا وحدي

دابي من تعذيبك إرتح

وتاني كيف أرجعلو صادي

الكرامة الفيني ترفض

وكبريائي والمبادئ

أنسى زي ما نسيتك هسع

وصرتا إنسان عادي عندي

وعاند الذكرى الأليمي

تراني لي ذكراك معاندي

كل ما تملك مشاعر

لي شريكة عمرك أدي

وأبقا عشرة على شريكتك

وأبدا معاها جادي

مهمها طاف بالزول خيالو

العقل ياهو البيهدي

والقليب كان راد وحبّ

تاني ما ظنيت يعادي

دا الحبيب كان حبّ صح صح

للحبيب بالروح بيفدي

دي الحياة وسنتها يا حبيب

مرة تاخد ومرة تدي

لا الحناسة تجيب رضاها

ولا بتقلب أحسامها ِشِدي

ويوم حناضل القوز طعيمها

ويوم مذاق أيامها شهدي


*********************


إنتا عارف روحي غيرك

لا بتموت لا بتبقا حيـي

ويا حبيبي أنا إفتقدتك

لما فاض الشوق علي

يا حليلي أنا كنت قايلك

زي زمان مهتمي بي

في الحزن تحزن معاي

ويوم أغيب تسأل علي

بإختصار أنا كنت دايرك

تبقا أقرب مني لي

إنتا تاريك بي مشاعرك

مستقر فوق الثريا

الصباح الفي عيونك

بعني لي بحر الأسية

وسابني بين شطآن وهايم

وجاري لا عند العشية

أنا لاني قادر أقول كفاية

لاني راضي أكون ضحية

المصيبة أنا كان بكيت

ولا جنيت هي هيّ

كل مصيبتي هويت عيونك

في زمن ظالم شوية

يكره الحب والتفادي

ويعشق الجفا والرزية

الطيور وكتين تغني

الزهور تصبح ندية

إلا عاد كيفن تغني

وعينها في عين الحدية

إفتقدتك وإنتا عارف

زيـي يعشق بالسجية

مستعد ما عندو مانع

يهدي ليك الروح هدية

لا بيهادن ولا بيساوم

لا بيبيع أبداً قضية

لو تمر الدنيا فوقو

بيرتكب مليون جنية

إفتقدتك يا منايّ

يا سعد روحي الشقية

لما فاضت بي همومي

والأمور لاجت علي

إفتقدتك يا نصيري

العزول عاصب عيني

إفتقدتك يا صباحي

الظلام ضامي العشية

إفتقدتك ألف مرة

لما شمتوا أصحابي فِيّ

شفت كيف أنا إفتقدتك

حتى يوم لاقيت صحابك

منك إتوقعت جية

إلا يا خيبة رجايّ

ويا حلات الحسرة فيّ


********************


لازم أقيف

لو لحظة إتحدي الحزن

لازم أقيف

لو لوّن الريد الوجع

لازم أقيف

أو كان مواسم اللقيا صيف

لازم أقيف

لو الرياح ختت مسارها

قصاد مدن قلبي الرهيف

لازم أقيف

لو أصبح التمن المقابل

لي هواك نوم الرصيف

لازم أقيف

لازم أقيف شان أدرأ الفرح العنيد

وأرجى الخريف

أشرب بحر حزنك أنا

أو حتى بس أبقالو قيف

وأعلن خلاص آخر السفر

قبال أفكر أبدأ كيف

لازم أقيف بين الزمن

وأجبر سواقي الهم تقيف

أمسح سواد الأمسيات

أقضيها بي لون الجريف

وهواكي يسكن في غناي

جواي أنا وأبقالو قيف

لازم أقيف بعد الأمل

أو قبله بي شوقي العنيد

أرسم دروبك بالفرح

وأنثر قطع لحني الخفيف

واستقبلك موكب رهيب

برا البلد لو جيتي صيف

لازم أجيك

ما إنتي لي آخر الفرح

وآخر الكلام منو وأقيف

ما إنتي لي زاد الدرب

لمن يموت حظي الشخيب

ما إنتي لي كل العشم

ألقاكي كيف

ألقاكي وين


********************


قصده كان في الماضي حِنك

والصلات الطيبة ظنو

يا خسارة حلمه داك

البينزف لسه منه

شفنا يوم الليلة تايه

ياما ذكراك نازعنه

كان سعيد في الماضي جنبك

فجأة عينيك توهنه

والدموع يوم داك صبن

شيعن شوقه ونعنه

والدروب شالنه ودن

لما تاه ما رجعنه

قصده كان في الماضي حنك

والصلات الطيبة ظنو

يا خسارة حلمه داك

البينزف لسع منه

النجوم ما شاف عذابن

لا صحن لا ونسنه

شقّ طول الليل مشالن

وقلبه خايف توهنه

لملمن في السر خطاهن

وبي غياب لحظات غشنه

ما النجوم خداعة زيك

ألف عاشق يخدعنه

تاني عاد فوق كم يساهر

والحنان لي مين يحنه

لا متين بالليل يذاكر

ويطرى زول اتخلى عنه

يملأ بالآهات دفاتر

ويهدي للملايين يغنوا

ما العمير في الدنيا واحد

غير قليل ما باقي منه

أهدى للعشاق حكايتو

وحروف الريد حكن له

لما فات الريد نهايتو

شال عذابو المات رثـنـه

الضياع من جور حبيبة

ما هو أول زول يسنه

بكرة يبني أحلام جديدة

ويمشي لي أفراح رجنه


*****************


لا المداين فيها زيك

لا القرى بتعرف جمالك

لا شموسها بتخفي ضيك

لا صباحها متل صباحك

ومهما كان طعنة سهامك

وفوقي تتكسر رماحك

أبقا دِرعك ما حييت

وأبقا ضماد لي جراحك

لا عوينات المداين

فيها من عينيك لمحة

لا كتب كل العوالم

من كتابها ألقالي صفحة

لا صخب كل العواصم

ليكي من عيني يمحى

لا نعيم البادية جابك

غيرك إنتي يا كل فرحة

أنا كانت قايل غير ضفاف

عينيك ممكن ألقا مرفأ

كنت فاكر جرحي يا

محبوبة في بعدك بيشفى

قلت أخدع قلبي يمكن

بي بعادك ممكن ينسى

لقيتو مخلص زي قليب

قيس لي ليلى ويمكن أرفع

أنا راضي شان ريدك معذب

ومن دماي يا السمحي يسقى

أنا لو شقاي كان في جوارك

قلبي رضيان إنو يشقى

ولا تصدقي إنو ممكن

غير معاك يا السمحي ببقى

لا مكان غير في عيونك

لا زمان غير ليك ألقى


*******************

عيـــــــــوشـــة

منبوشة .. منبوشة

نبشوها قبالك .. بت حالها زي حالك

ذي كلمة مربوشه

عودها إنبعت حرقان

زي شتلة معطوشة

عينيها رماشة

أم لمبة فتاشة

من طاقة جاتا الريح

كتر البكا .. التجريح

خلاها دعموشة

تلوشة .. ولا ضفاف

خيم عليها جفاف

زي صرخة الغرقان

فوق موجة بين فيضان

شعراتها منفوشة

وشفع مبارياها

عيوشة .. عيوشة

الليل هديماتا

وشمش الله برطوشة

تشرب من الشارع

وتاكل من الكوشة

عيوشة .. عيوشة

وترقص لهن رقبة

صقرية ، جابودي

السامبا .. كاروشة

عيوشة .. جامايكا

الهورس عيوشة

اسلولي عيوشة

وعيوشة ما بترقص

لكنها الدوشة

وتفلت من الشفع

في الفلتة تترتع

تدخل على بيتاً

ستاتو منمدِّي

ناساً بعرفوها

لكن بعافوها

دايرين غسيل عدي

شاكرين يا دقلوشة

ويدوها عيشايي

بي دمعة مرشوشة

وتنملك الشارع

خطواتها مربوشة

السوق مع الأطفال

عيوشة .. عيوشة

الليل هديماتا

وشمش الله برطوشة

تشرب من الشارع

وتاكل من الكوشة

عيوشة .. عيوشة

على قدر ما كاست

عينيها ما لاقت

غير مطبقة وبصلة

المطبقة انهردت

والبصلة مقروشة

ما قلنا مقشوشة

قشوها قبالك

ديشك يا عيوشة

يا الحاضر الغايب

في الدنيا ما جايب

خبر المدينة الكان

على رغم ما فيها

من فاقة من حرمان

مرات اياديها

تعطف على الإنسان

بي فكة في قروشها

بي كلمةً طيبة

بي فضلة في مطعم

أو برتكانايتاً ضرباني في كوشة

والليلة بانت زي

بيتاً في آخر الحي

ناساتو منبوشة

يا جرحنا الهايم

طول النهار حايم

يلبد إذا ما شاف

صحبانو مكشوشة

يضحك إذا الكومر

قبل على كوبر

ولا المديرية .. ينمطق الفرحة

بس فرحة مغشوشة

إن تنجا من كشة .. دردير وتلتيلة ..

كيف تنجا من جوعها .. من بردها وليلها

عزت برنداتها واوكارها مطروشة

بيت الله قافلنو

مستشفى غافرنو .. ساحاتو مرشوشة

كم يوم يعز النوم

رغماً عن المشموم .. والدوخة والدوشة

دي مدينة ما هيلك

مافي البيشبهلك .. ما في البناديلك

لافي البخاويلك

غير ناس أحاويلن قطعن أحاويلك

أصحابك الساعتك لا بد يعاينولك ..

صمتاً يجيبولك

باكر تلاقيهن .. في وجبة فوق كوشة

جنب مجرى يحكولك

ودونا لي ضابط

كالعادة وانكفرن قال وين أوديهن

والعندي ما قادر بالموية أكفيهن

والعسكر أدونا

سوطين وفكونا

كالعادة يا اخونا .. حيكومة مربوشة

دايرين شغل .. مافيش

غير نغسل العربات

غير نضرب الاورنيش

عتالة .. جرسونات .. شغلاً ما يوكل عيش

وبالحالة دي الكشة

بلدية والبوليس ... مرات يجيك الديش

ما يقبضوا الباعوض

ما يقبضوا الضبان .. والما بدور فتيش

الارزقي السمسار .. إشمعنى نحنا وليش

إحنا الحرامية ولا البدسو العيش

الزول يخاف يكفر .. يرجع يقول معليش

شقيش نقع شقيش .. حتى السجن مافيش

مافيش يا عيوشة

من تكبري آهة وآه

وآدم بدور حواه

الطيرة بي عشوشة

الفارة بي جحارة .. الكل بي مأواه

وهنا في إبن آدم تاه

ملجاه أرض الله

لا أوضة لا حوشة

يا أبونا يا الأسود

يا أمنا القرقد

يا داجي وين نرقد

جاك المحل قاسيت

لامن هجرت البيت

فض المطر صديت ..

أو صددوك غصب

دارك لقيتا حرب

كرت عليك فريت

كان مافي غير تنفد

بي لونك الأسود

بي شعرك القرقد

وبي فالك الشامخ

زي تاج أبو الهدهد

لامن يطير في الجو ..

من ها المدن ينفد

حاشاك من عيب تب

لي شينة ما ختيت

دغري وعراض إيديك

بس كفها إتعود

في الأرض يرمي الحب

ما قنبلة وديناميت

جيت المدن لاقيت

من سيدا ما لاقيت

تحرس عماراتو

علشان تمسي تبيت

ويتربو زي ما ربيت

كم للعرق شديت

زوغت أمن .. كريت

جاملت جاراتو

وأو تتم ترحل لي سيد خلاف السيد

يتغيروا الأسياد .. لكنو نفس القيد

نفس الربط ذاتو

يا ماشي دون راس خيت

وين كنت لما الناس إنقسموا الواطة

في مدن تجز الراس كان زولو ما طاطا

كت مافي ولا أبيت

واصبحت مقطوع راس

زي ديل كتير من ناس لا أوضة لا ضل بيت

وفتحنا لاقيناك .. أول ما شالنا الحيل

بالراحة في ذات ليل

يا أبونا خليناك .. خففنا ليك الشيل

تقلت بنا الخرتوم

وفرنا لقمة عيش .. موية ومحل للنوم

سامحنا .. عافينا .. يا أصلنا الحنّان

غيرنا اسامينا شان نحيا باطمئنان

دينق إنقلب عثمان .. هاشم بدل دلدوم

من وين ؟؟

من ام درمان وناس بيتنا منوفين

بس لكنة الرطّان تفضحنا .. بعض الحين

وإن كنا يوم في يوم ماشين بننعوّد على لهجة الخرتوم

في ولاد عرب بالكوم

طالعين سوا ونازلين .. يفرقنا إلا النوم

ما الحالة من بعضا .. مطروش ومطروشة

وأكوان وقد قابل .. في كوشة عيوشة

يا التحكي دون تبكي .. وفي وشو بتعاين

شوف فيهو شن باين .. غير دمعة مقشوشة

قشوها ناس أخوان .. أكوان وعيوشة

بي صبر كم طول

على حال حا يتحول

قصر الزمان يا زول ولا الزمن طوّل

لا بد يتحول

ما فيهو من آلام .. في يوم من الأيام

لي دنيا مفروشة

بالعافيي والطعام لي كل فم .. ما دام

في غلابة بي ديوشا

وبجاي و بغادي قلة وكتر بوشة

تخمت حكام مندلدلة كروشة

فاوة وتفل لاقّي

ونار الغضب باقّي

تالاها محموشة

جرفت لبقة الليل وانطنبجت د######## لا عينا بي شموشة

الحال حا يتحول

قصر الزمان يا زول ولا الزمن طول

لابد من فوقة .. ومن تنتهي الدوشة

قولاً قبل قلنا .. وكتين نصر نحيا مافي البكتلنا

قولك يا عيوشة .. يا اب نفس طماعة غاشاك ومغشوشة

الدنيا دنيانا

زرع إيدنا نديانا .. لا صيص لا كدموشة

وماك ماشي جيت غاشي .. ليك خيرها ينسبّل

لا كُتّي شحّادة .. نديك وتتوكل

لا جيتنا دنّاعة .. نمسح لك الجردل

أخرت للساعة وتلبت في حوشة

في حزك المنجل وشوالة مخموشة

ناسي انو مزروبة ..

بي شوق حبايبنا وحارساها كلوبة

وكلوبة بات ووبة .. ويات لوبة بتحوشة

يا النفسو ماهية

شن جبهة متكية

بي عمة كاكية .. وطاقية طربوشة

جنب جبهة دغرية .. العمة مكوية .. فوق راسها ملوية

ترقش بياض نية .. وبالهيبة منقوشة

زي وشم فوق أكوان .. شلخاً في عيوشة

يا جرحنا الطوّل

جاييك زمن طيب .. خيراتو ليك أول

صدقني يا طيب .. يا أرض يا جدول

كارتنو بي معول

والليلي تتجول .. عينيك مدهوشة

من كنت تتسول .. في مدينة ما هيلك ومن كوشة لي كوشة


******************************************


نـــورة والحـــلم المــدردح


هي .. أقيفن .. نورة فيكن

نورة نقاحة الجروف ..

نورة حلابة اللبيني .. للصغيرين والضيوف

نورة ساعة الحر يولع .. تنقلب نسمة وتطوف

تدي للجيعان لقيمة

وتدي للعطشان جغيمة

والمخلي الحال مصنقر ..

في تقاة الليل تندقر .. تدي لي باكر بسيمة

تكسي للماشين عرايا وفوقا إنقطع هديما

ما عرفتن نورة إنتن .. قولن إنتن شن عرفتن

نورة بت الواطة أخيتي .. نورة اخت كل الغلابة

نورة حاحاية الشقاوة .. نورة هداية الضهابة

الاراضي الياما أدت .. نورة بقت من ترابا

وماشي في الأعماق سحابا

مشتهنها .. والله جابا

للجنوب طبلاً يهدهد .. لي مشاعر ناس تعابة

وللشمال طنبور يسكت .. دمعة الميتين كآبة

ما عرفتن نورة إنتن .. قولن إنتن شن عرفتن

نورة عايز تقرأ قالت

فوقا حيطة الدنيا مالت

ختت الكراس وشالت

منجلاً صالت به جالت

لامن إنجرحت به شالت

للتراب فوق إيدا كالت

ومرة يوم في الدونكا لدغت

جاء الفقير بالليل حواها

ويوم ملاها الهم قطايع .. جاء البصير بالنار كواها

ونورة ما قدرت تمانع .. تقنع الناس المعاها

ومرة شافت في رؤاها طيرة تاكل في جناها

حيطة تنمغى وتفلع .. في قفا الزول البناها

في جنينة سيدي سمعت .. تمرة تصقع للوراها

الأرض لابد ترجع للتعب فوقا ورعاها

شافت النيل موجو لاها

الخليقة بقت إلاها

الشمس طبقت ضحاها

نار عقاب إنساب مكسر .. فوق تكليات متاهة

وضو من الله .. رهاب مكتف في وتيد الليل معاها

بين حضر بلدا وخلاها

فسرت للناس رؤاها

وقالوا جنت ومو براها

ونورة زادت فوق شقاها

وصدت الأيام تخش

تبني لي عصفورة عش

في السواقي تشوف عزاها

لما شوقا يسوي .. وش

تسقي تزرع

تسعى تصنع

للنهار في الليل تخش

عرفت الشقا والشقاوة إلا ما عرفت تغش

شايلة طولة البال من الله .. ومن أراضينا الإثارة

وماشي تكدح طول نهارا

وترجى لما الليل يفلل .. تسرق ألمي عشان خدارا

عشان صغارا

ولما ترجع لي ديارا

تنزف أحلام الفقارى

من عويناتا الحيارى

لي غبار الحال تقش

فوقو للآمال ترش

نورة تقعد صاحي تحلم .. بي بيوت بي نور ودش

وبالمحبة تشق دروبا .. ولي قلوب الكل تخش

نورة تحلم بي وجود

ما مشت بينو القيود

أفضل أفضل بي كتير .. بي وطن من غير حدود

نورة تحلم بي عوالم

زي رؤى الأطفال حوالم

لا درادر .. لا عساكر .. لا مظاليم لا مظالم

نورة تحلم .. ولما تحلم نورة ترجف

ولما ترجف نورة تحلم ..

ولما ريح الواقع المر .. لي عشيش أحلاما ينسف

نورة تنزف

ولما تنزف بالا يهتف .. يوم حا تنصف يوم حاتنصف

وتبدأ تحلم .. ولما تحلم نورة ترجف

ولما ترجف نورة تحلم

صاحي تحلم.. وصاح بتحلم

صاح بتحلم


*********************



قلبي أنا من حنانه بيسقي

مالو من الحنان محروم

أصبح زي يتيم فاقد أمه

من أول سبوع مفطوم

الناس بالحظوظ تتهنى

مالو أنا حظي عاثر وشوم

والزول ما بيفوتها قسمتو

لازم نرضى بالمقسوم

دُنياي مالها جايري عليَّ

فيها مصيري ما مفهوم

أصلها لو تدوم لي سيدها

كانت للقبلنا تدوم

جيت لأهلي الكبار داير أشكي

قلت بينصروا المظلوم

قالوا لي قبل ما أحكي

غلطان فُتَّ حد اللوم

قالوا لي حالك إنتا

منه حنَّ عدوك

حال البشنق محكوم

الموت ما بدابك إنتا

قبلك ماتوا ناس بالكوم

بس كان قصدي أفرح مرة

لو كان في العمر فد يوم

أسعد بلقاك واتهنى

إرتاح وأضوق حلاوة النوم

الهم لي زرع تيرابه

جُوَّ قليبي داير يقوم

فعلاً قام ودلَّ فروعو

شال وحتت الخروم

وادِي المخرف داجي

ما طلت سماهو غيوم

والصيد البيردي عشيـي

طفشو من حداه البعشوم

روضِي الدابو فتح زهرو

مالو بقت طراوتو سموم

وإتكسر يِبِس ساق وردو

قام بدلو العشر والدوم

طارت من فروعو قماري

خلتو للغراب والبوم

طوَّل لا بيشوف طير جنـِي

ولا فراشة فوقو تحوم

أسكت يا قلب لا تبكي

تكشف سرك المكتوم

الفات لو بجيبو بكاك

ما كان لي سكاتنا لزوم

إنتَ عوم يا قلبي

وقت أصلك اتبلبلت

والاتبلى أخيرلو يعوم

عوم وقت إنتَ عارف ألـ الله

زارعها في الحجر بتقوم


************************


للشاعر حميــــد
غناء محمد كرم الله
طعـــم الـــدروس

وريني شن طعم الدروس مادام بكانا مشي قطر

كيف ذاتا ترتاح النفوس تقبل قرايتن في سفر

زينوبة كل مأفتح كتاب القاك في اول سطر

القى الحبايب والصحاب القى الجناين والتمر

كيف ذاتو ابوي تلقاهو فاتح كتابو مع الفجر

يقرأ ويرتل في كلام ما بفهموه الناس الكُفر

زينوبة حان الإمتحان من وقتو بس فاضل شهر

ما أظني من جور الزمان انجح وأجيب ليكم نمر

عمرك سمعتيلك جبان خاض المعارك وانتصر

كيف ذاتي ..يانبع الحنان انجح من آلام السهر

الشوق متل شوك الكتر طعن الجسم لامن خِدر

والله لوما الجبر ماكت بفارقك بي شبر

زينوبة في الحصة عقلي انا قام سدر

يمة المدرس لو فكر

والله مش لو كان نَهَر

لو كالني بي سيطان بقر

كان يلقاني قاعد فوق ككر

في الدونكا لسع مافطر

مادام عقيل الجن سدر

ما ظنيتو من عندك حضر

كر من حالي كر قاعد لي فوق كيمان جمُر

غربة وكمان حالاً فقر عذبني قبال أصل القبر

الغربة أصلو طعيما مُر ..لكني بقعد بالجبر

لامن سنين الهم تمر ..ياربي ألهمني الصبر



******************************

الطيـــــــــــــــــــــ ـــف


رائعة الفنان محمد كرم الله


حتى الطيف رحل خلاني ما طيّب لي خاطر

أما النوم أبا وجافاني .. وأصبح داجّي ساهر

قليل يا طيف أقيف وأرجاني .. وين فايتني عابر

شن حارس وراك أنا تاني.. ياني معاك مسافر

لا لا .. لا تقول لي .. كدي استناني.. أمشي وأجيك باكر

يبقى أنا ما ألم فيك تاني.. مين عارف المصاير

هاك اسمع رنين ألحاني .. وأبقى معاي سامر

خفف لي قليل أحزاني .. ياما أنا عشت صابر

شوف كيفن يسوي زماني .. ديمة علي جاير

آه مر العذاب وراني .. سهمو في قلبي غاير

شوف الليلة كيف بستاني .. دا الكان باشّي ناضر

من حر السموم بيعاني .. طيرو يفر يهاجر

جفّ يبس صبح صناني .. لافح حرو كافر

عدمان الضليل سواني .. مجنون قالوا شاعر

كل ما تمر تعدي ثواني .. منو اسراب تغادر

رحلوا الفيهو صر وحداني .. نازل ومرة سادر

أحوم .. أرجع .. أصد لبكاني .. مقطوع راسي حاير

وين أحبابي وين خلاني .. آه يا الله قادر

ما عارف العلي تراني .. فوق كرعي ساير

وأسكت أسوي في أوزاني.. أشعار مالا آخر

وإت ياطيف عليك أحزاني .. ليّ شوية كابر

عشان خاطر قليبي عشاني.. لحظات بس تخاطر


**************************************


الإمتحــــــــــان

طارق العوض


ربك يهون كل قاسى عليك لو كان مستحيل

لا تبكى ارجوك يا جميل

يا خى الدموع أنا بكرهن لو كانوا من طرفا كحيل

وما برضى وحاتك قسم فد دمعه فوق خدك تسيل

لا تبكى ارجوك يا جميل

ما انت حقك تبتسم تضحك تملى نهار وليل

شان انت ما شبه الدموع تبكى انت ، شن بيسوا ديل ؟

الأمتحان لو قلت حار ما تنسي ربك بيك كفيل

ما انت ذاتك حار وهم من حرك ادوهُ القليل

ما انت ناجح فى الجمال الناس محبتها ليك دليل

الحكمه ناجح من زمان يوم اتولدت بلا مثيل

يو م الجمال جابوه ليك قالولك اعزل منو شيل

أدوك سبيب اسود طوال سود على ليلى الطويل

وفك الرباط بى صفحه سال شوف عينى قرب للكفيل

وادوك عيون فيهن رموش راميالى ضلها للمقيل

صيفا وشتا محل ما أقيف والقاهو برضو رمت ضليل

ادوك قوام من خيزران لو داعبو الهباب يميل

ومنك عبير شميتو فاح مسخ على ريحه الفتيل

أما الضمير قرب يروح بالجوع قضاك بقيت نحيل

وفوقو الحزام خط استواء قاسمك شمال وجنوب عديل

وادوك قديم خطوة حمام وحلانو فى التاتاى عطيل

فوق البلاط بين الفصول دايرلو صاج وترس عديل

انا لانى جاركم لانى اخوك بالصدفه جيت عابر سبيل

من أهلى جيتكم تب سليم كيفن ترضى اصد عليل

طلبى الوحيد بس تبتسم تطرح وشيك متل قبيل

واقع وراك لا تقول ابيت الناس يقولوا عليك بخيل

لا تبكى ارجوك يا جميل


**********************************


حكاية شافعة

المرحوم يس عبد العظيم

كيفن أصـــبر قليـــبى.. وكيفـــــــــن أعمــل حسابى

ما دام عشمى فى نظــــــرة .. والعندو النظرة مابى

بجرو غنايا أحكى ليكم .. تعالو أسمعـوا يا صحابى

حكــــاية الشافعى البريدها .. وريدها شقــــايا وعذابى

أحن لها حن القمـــــارى .. تقوقيبـــــا أوتار ربابى

واهوى الهوى فى هواها .. وهواها قرايتى وكتابى

منو القال ليكـــــم عقلتَّ .. وحاتكــــــــم جنيت دابى

بقيت لمان ليها أفارق .. أفارق عقـــــــلى وصوابى

أضيق لمتين ليها أرجع .. أخاف مايطول بى غيابى

أعاين زين فيها وأشبع وأزيد إعجاب على إعجابى

أشرِّق وين ما أغــــــرِّب .. وأشيـــل همى وإكتئابى

محل ما أمشى ألاقــــى طيفها.. مشتت فكرى وحجابى

تطير روحى بعيد تغــــــازل.. خدودك زهر الروابى

تتعلق بين عيونها .. ورموشهـــــــــــا البى فوقها كابى

قليبى يفارق ضــــــــلوعى .. يلاهى عليها ويشابى

ضعيف مابيقــــــــــــدر يقاوم.. بريق البسمة السحابى

صديرها لما يهتــزَّ .. تبــــــق نار الله فى أعصابى

وقدلتن كيتن على .. وا نشاف ريقى وخــــم ترابى

حنينى ومرات بتقسى .. تقول فى نفســــــها اتغابى

إتغابى العرفة فيهو .. وا زرف دمعــــى ووا خرابى

صحيح أصبحت مملوكها .. أســوِّى الراضي والمابي

متل ما ملكت فؤادى .. أنا ملك شيطــــــــان الكتابى

أخاف ما بقــــــدر أعاتب .. أقول تزعــل من عتابى

أموت أحسن من هى تزعل .. أو تزرف دمعة صابى

عشانها أنا كم ضُقْتَّ مُـــــــرَّة .. عشانها مهمِّل عقابى

عرفت الله فى عـــــذابك .. إنتَّ خاف الله فى شبابى


*************************************


ثنائي العامراب

الطمبــــور

الطمبور صديقنا وعزنا وملجانا

وكتين السنين تفتح بوابة أحزانها

مما قمنا نسمع فيه لا ملينا لا ملانا

زي إبل الرحيل شايلـي السقا وعطشانة

أوتارو الحنيني تملي عايشة معانا

في الريف والحضر ومحل ما تمشي خطانا

الله لو بشيش بتداعبو إيد فنانة

تتراقص تميل الدنيا بي أركانا

لو قلبك حجر وغنانا شايفو رطانة

أول ما يرن تلقاك وقفت معانا

إحساسك يدوب قامتك تميل طربانة

زي مر النسيم وكتين يداعب البانة


***********************


مرسال القمر

صديق أحمد

طاريــك وإنتَّ ماك طارينى .. يا الشوفتك بقـت لى محـال

حبيـــب أيــه اللى شاغلك عنِّـى .. وإيه الغيَّـــر الأحــوال

أنساك ؟ قول لى كيف أنساك وذكراك ديمة شاغلى البـال

ومهمــا طال غيابـــك عنِّـى .. حُبَّـــك فى القليـــب ما زال

بقيــت بعــدك وحيــد فى الدنيــا .. تايه فوق دريبك ضال

أســأل فى النـــجم ويـــن إنتَّ.. وأرسِّــل للقمــر مرســال

وديمــة مـع القمــر تلقانـى .. أســاهر ليلــى حد ما طــال

أحنِّـس فيهو .. أقولو أمشيلو .. جيـب لىَّ الوصيـــة تعال

وكتيــن القمــر يتضــارى .. ونجمـن حولو غــرّب مـــال

فِــرِحْ طـِـرْ .. بى جناح أشـــواقى .. حلق فى سما الآمال

قلــتَّ هــــدا القمـــر فــات ليهو .. ليهو بيشــرح الأحوال

يحكيلــو الحصـــل فى غيابــو .. وآلام البعـــاد الطـــــــال

يبقـــى يحـــن يعيــد الذكــرى .. قلبو بعـــد نسانــى ومال

يبكى متِلْ بكـاى لى شوفتـــو .. يرجع لىْ يجـود بوصــال

بقيــت فـى الإنتظـــار راجيهــو .. محتـار والفكـر شغَّــال

أقــول يا رب متيـــن تجمعنـــى .. بى خــداً كســاهو دلال

وأسعـــد بالكليمـــى الطيبــى .. والبسمــة التَّسُــرْ البـــال

وأشعــر بالعلــى فى حينو .. مـن فــدْ نظـــرة ولَّــى وزال

أتاريهــو النّجــم ضلــــــَّلْنـى .. ما راح للقمـــر مرســـال

أتَّــارى بنيـــت خيــالى حقيـقة ..وإتقلبت حقيتــى خيـــال

وأتـارى أنـا كُـتْ بطمِّـنْ نفسى .. بى وصــلاً بعيد ومحال

والحاضنة ألأرض خطواتــو .. مابنــول فى الثريَّــا منَّــال


****************************************


مناي كل لحـــــــــــظة أشوفك .. مناى شوفتك كــل ساعة

فراقك بكاهـــــــــــو قلبى .. وكتـــــــل فى نفسى القناعــة

أطرى يومـــــــــــة ودعتك الله .. وعيــونك باكى دمَّاعــة

غلبنى أقـلدك وأوادعـــــــــــك .. حمتنى عيـون الجماعــة

حسيت بى كبــــــــــــدى واقعى .. اتغرس سكين قـطاعة

وأنا أتيتـــــــــــم بى فــراقك .. يتـم شافعـــاً فى الرضاعـة

زمانى السبـــــــــــق الأمانى ..غدرنى وفات بـى ســراعها

مالو كان إتأخــــــــــــر شوى.. هو عارف الفرقـــة لواعة

داير أعاين أمتــــــــــــع عيونى ..عيونى وراك وا ضياعها

دى ما آخر نظــــــــــــرة لى فى الوجيه الكاسية الوداعــة

كتير سرحــــــــــت بى الوساوس همومى غرقت فى قاعة

بقيت بين أقعــــــــــد وأسافر .. شكــــــوك نفسى واقتناعها

إن قعــــــــــدت الناس مابتريح .. وفراقك مالو إستطاعـة

غايتو قسمــــــــة وقسموها لينا وردها كف الضراعة

وحاتك مجبـــــــــور أفــــــارق .. فراقاً مو بى قناعــــة

وأبيع روحى أنا ليكى وأمشى ومنو القبلى أنا روحو باعها

مالكـــــــــــاها ومالكى ساسها .. السمع ليكى إنت والطاعة

ربيعها أنتى وعـــــــز شبابها .. وحياتها بلاك شـــــــــن نفاعها

قـــدر ما تفــــــرِّحْ .. تبكى .. حقــــــيقـــــة الدنيا خداعــة

تلمــــــَّك لامــــن توالــــــف .. وتفرقـــــك فى أى ســـاعة

تخبى أقــــدارها فى أيامهـــــــــــا .. وتلـف حولـك بى براعة

تجيـــــــب تديـك من عذابها .. وشقـــــــــاها البعقب متاعها

وداعــــــــاً ثمـــــــــــــرة فؤادى .. ودعتك أمين الوداعــة

وحــــــــــاتك مابنسى كلما العصيــــــــــر شاقين الزراعة

ولا بتحلالى غيـــــــر سيرتك .. وكت نحكى أنا والرباعة

إن هدولى الجنة بى حـــورها .. ألقى فيكى نفيستى طماعة


********************************************

إبرهيم بن عوف

حبال الذكرى


ماعارفين حبـــال الذكـــــري

تنجـــــــر فـوق قليبي سيوف

نرسمو خلا ما ضي الذكـري

غدار في الغرام معــــــروف

ياخــــــــــــــلا لو تعرفــو البيـا

البي ما بتطـلو حـــــــــروف

ما لســــــه وتـــــــراي للــي

في سجـــــــن الغرام مكتوف

الحـــــــــال التوصفــــو فيـه

ظاهـر وللعيون مكشــــــــوف

والله العظــــــــــــيم كان تبكوا

لو شفتــــو الدفين في الجوف

داجـــــــــــــــي علي ياخلايا

اهيم البال علي مغــــــــروف

مـــــــــــــا جايب خبير للدنيا

زي فاقد السمـــــــع والشوف

ناحل جسمــــــي شاحب لوني

زي زهرا ضبل ملفـــــــــوف

لكن الهمـــــــــــــوم والحسره

زي الضاربي فوقــــــي دفوف

ياخلا البريـــــــــــــــــده قليبي

يوم لقياها ما معـــــــــــــروف

املتّ وكتيــــــــــــــــر راجيها

خاب ظني ورجع مكـسوف

ماقادر اقـــول خلــــــــــــــتني

او جارت عليـــــــــها ظــروف

ولا قــــــــــــادر اطمن نفســـي

من فارق الظنــــــــون والخوف

بقيــــــــــــــت اشـــــــتاق لليل

اقول يمــــــــــكن خيالها يطوف

يرجع لي صوابــــي افيــــــــق

يعـــــــــود قلبي القبيل مختوف

تمر ســــــــــالت دقيش نسمات

عبير طيـــــــــبها يفوح مسروف

يرد روحي و يبل شـــــــــــوقي

ويصيب جـــرح الاسي المالوف

يعود الليـــــــــل واعــــود لبكايّ

في ليلا طــــويل مــــــــــردوف

منداري من الجحــــــــــــيم ياخلا

من فوج بالهموم مزفــــــــــوف

اسوق بين الدمــــــــوع والحسرة

داير لصباحــــــــــــــــــي اشوف

حليل شمساً تعيدو صبـــــــــــاحي

في دنيايّ طــــــــــــــــاقي كسوف

قط ما كان غريب ياخـــــــــــــــلا

الحب لمصـــــــــــــــــايبو اشوف

من شدة هــــــــــــــواي في دربو

صار عندي العــــــــــذاب مألوف

يسعــــــــــــدني اني صنتو هواها

بادلتا العــــــــــــــــــذاب معروف

زي ما صان قليـــــــــــــبي هواها

طوع في غناها حــــــــــ ــــــروف


*************************


حُبي الفقدتو بعد وَفا

عَكَّر لي جَوِي بعد صِفا

وصِبحت سعادتي من المُحال

جَمري القديم ما كان كَفى

موقِد يَلهلِب وما انطفا

جَات تاني هَبَتو ريح منال

ريدنا الزمان مالو اختفى

مالا المودة بِقَت جَفا

ريدًا انت عارفو حُلو وحَلال

البِت دي وين كت شايفا

أو مَرَّة واحده مَصَادِفا

ياصح تقولو سمعنا قال

رُوحي المَشَحتَفة عارِفا

مالا السِّيرة بِقَت تَخَوِفا

شن دار يكون سببا غير الجمال

مسكيني فاقِدي عَواطِفا

عَشمِاني فيك تَوالفِا

راجاك تَجُودلها بالوِصَال

قلبي العليل كايس الشِّفا

لو شِلتو في حُضنَك دِفَا

كان بالسعادة عِميري طال

قَدَمِي العليك سَاسَق حِفا

هو بَراهو حَالتو يَوَصِفا

يَغنِي البيشوفو عن السؤال

غالبني حالتي أصنِّفا

وِشِّي وقَفَايا بِقَن قَفَا

وبقى جِسمي دايما في انتحال


**********************


وقفت بعد حلبت جدية الشاي تكورك يا الحسن

يا ام الحسن وينو الحسن

لمن صفت رغوة شخيبات اللبن

في حلتها المبنيـي من طبق السكن

واقفي في حوش البهايم ولسع تكورك يا الحسن

جاها حساً من بعيد مارق من القاطوع وراء

قال ليها خير يا الحاجي خير

قالتلو خير تعال لي جاي

دايراك تعنون لي جواب يا الراسي لي ولدي الخدير

لا تبقي زي شافع السريد يقول لي زين آيمة زين

وزين تبقي بعد شهير وان جاني يكتب فد سطير

اقولو يا سجم السجم انا زي قرايتك ما قريت

لكن عويناتي بيفرزن الوريقة البيضاء من لون القلم

بعد المغيرب بي شوي جاها الحسن تعبان يسير

دا العشى غنمو من الدرب سرقت ندي وشو الهجير

سوتلو شايا بي لبن قرض معاهو حرف فطير

قالتلو بسم الله قول واكتب وصيتي انا للخدير

الزمن يا ولدي ماحقاهو السنين

البعيش في الدنيا ما بعيش مرتين

العمير فاضلي بس منو اليقين

وانت طول في البنادر يا الحبيب لا متين

تعال اوريك حق ابوك الجم حقيق حاج اللمين

ان عرفتو بلا عمار يقولو ولدا عندو طين

العلاج لا تنسي رسلو لي دحين

العوينات آجناي شوفن ضنين

سلامنا ليك مطرز للبنيات والبنين

ولو الارض يا ولدي تنشال في الايدين انا كت برسلا ليك

في لوري الخزين


*************************************


المواجـــــــــــــع

لما نبكى من المواجع قلنا نرتاح فى بكانها

قولى كيف نرتاح ونحن نبكى من شدة هوانا

الليلة رحلة الأشواق بعيدة والشواطئ بعيد مكانها

حتى فى بر الأمانى السنين هدت قوانا

كنا نحلم بمداين فيها نرتاح من شقانا

قولى كيف نرتاح ونحن نبكي من شدة هوانا

القدر طاوع قلوبنا وخلى بحر الريد حدانا

ونحن ماصدقنا قمنا نشرب فوق روانا

دى المشاعر فينا فاضت غرقت فرحة صبانا

ما النعم مرات بتشقى والله بالريد إبتلانا

مرة طلت دارنا غيمة ونحن ياما الريد غشانا

شايلة فى الخاطر محنة جات تعيش الريد معانا

جات تصب فى الريدة ريدة لو قليل يبرد جوانا

كيف يا غيمة نرتاح ونحن غلبنا فى هوانا

ما غريبة على البريدو يلقوا فى الريده المهانة

ياما كتير أحبه غرقوا فى بحور الذل عشانا

فى الحقيقة الريدة مره ضقنا مرها فى غنانا

ماهو قيس بكى من هواهو مانحن برضوا الريد أذانا

يا زمن لو تصفى نصفى فى البوادى يعم صفانا

والعيون تصبح مرافئ فيها نرتاح من عنانا

رحلة الهم بينا طالت ملت التسيار خطانا

نعمل آيه ما نحن غلبنا فى هوانا


**********************************

يادنيـــا

للشاعر خالد عبدالله بخيت

يادنيا بي حظي الزريع بتحمـــــــــل القـــــــــــــدر المريع

خايف من الاحزان اضيــع ما القي بي قربــــــــي الوجيع

صوت القوافي البيك تنوح والسالفه في لحظة وضـــوع

فارقتي والايدين تلوح رسبتـــــي في عيني الدمــــــــــوع

وريني وين بعـــــــــــــــدك اروح بينا اقطع عشم الرجوع

في قلبي ما بتبري الجروح من فتي فارقتي الهجـــــــــيع


ليه دنيتـــك كانت ســـــــراب ممـــــدودة بي مد العذاب

احزني لازمني اكتئاب وانا بي وراكي شــــــــــبابي شاب

سدي المداخل وكل باب طــــــليني من دنـــــــــــيا الغياب

بلقاكي في نفـــــــــــس الرباب واشعاري ليك عالم وسيع

ساهرتا طول الليل معاك كم مره عــــــــــــديت النجـــــوم

ما طافت الاحلام رؤاك لو اضمن احلمـــــــــبك بــــــــنوم

ياقلبي يا ضايع كفاك شـــــن جبـــــــتا غير حسرا وهموم

ابكيها لو ينفع بكاك الدمعه ما بتجــــــــــــدي الصــــــريع


فارقــــــــــــــتي في عـــــز الغرام من قبل ما تثبت خطاي

افردتا ليك درر الكلام خلــــــــــدتا وصفـــــــــك في غناي

ماانتي ما بيـــــــن المسام في كل احســــــــــاسي ومعاي

طفل الغرام البينــــــــــا نام اتلافتو الاقـــــــــــــدار رضيع


سبتيني لحـــــــزني العميق للحسره لخـــــــاطري الجريح

ياريتني لو اقدر افيق لو متـــــــــــا يمــــــــكن اســتريح

يا دنيا طال بي الطريق وانا بين مسافــــــــــــاتك كـــسيح

كيفن وصولي بلا رفيق والخطـــــــــــوه كيف بعدك تطـيع


زود شجـــــــــوني علي العـــــلي طيف المهاجر مني فات

يادنيا ما بايـــــــدي شئ غير الله يلهــــــمني الثبـــــــــات

والباقي في جواي حي ياحليــــلو ودع سيـــــــــــدو مات

ببكيهو عمــــــــــــري الباقي لي فوق الدموع لو بستطيـــع


****************************************


محمد النصري


يا حسرة قلبي الجريح ما بان لي في دربك شعاع

كيفن بعد ريده وحنان آخر المطاف يبقي الضياع

أديني من زمنك زمن قبال يحين وقت الوداع

بين يوم وليله آيه الحصل وريني ما سبب النزاع

احلامك الكانن معاي مالن بقن لوعه وصراع

وايامك العشقن صفاي يا غالي ليه مرن سراع

خليني لي همي وشقاي خلي اليكون قلبك شعاع

مهما يكون ريدتك صدود لي حكمك الامر المطاع

باكر يجود تاني الزمان يرحم يجيب سمح الطباع

والواقع الما بيرضي زول خلي اليروح ما دام متاع

أخديهو من عابر كلام وهاتي المفيد من وضياع

القالك الريده انتهت في الريده ما عبرلوا باع

والبيك بلا حن كيف يكون مادام احساس ساسو الخداع

والباني ريدو علي النفاق دي الريده ما بتجنيلو صاع


*************************************

محمد النصري


معذوره لو قلبي اشتهاك ما إنت عارف

فرقتك ما بيحملها القلب الهواك

ده مناهُ يوم ما نفترق يا ريتو كان يفضل معاك

لو بي مرادو يقوم يجيك تلقاه بين ايديك حداك

متمني يلحق بيك سريع نتلاقي والاشواق هناك

جاييك هارب من سنين جاييك واقع في حواك

غلبو النواح يوم فرقتك بالدهشة خانس إتعبر

ما بين نوازع الروح إليك هايم وبين حكم القدر

ما اتزعزع الإيمان جواه ولكنو في الآخر بشر

قايل عليك شدة وتزول ما قايلك إنت علي سفر

ما كان هو فاهم يومو داك ايه ضحكت البرق اللصف

ولا كان هو شايف للهموم الجايه واقفات ليهو صف

ولا كان هو حاسس بالغرام الباني في الغيم اتنسف

لقي نفسو فجأة بلا وجيع مفجوع ومفقوع بالأسف

يا ريتو كان وقف الزمان قبال تروح صدّ ورجع

ما كان غشانا الحزن يوم لا فرقه بيناتنا بتقع

كان لا رثيتك لا بكيت لا قلبي فيك يوم إتفجع

وما كان قدر ذكراك صبح يومها التزور مره ورجع



*********************************



محمد النصــــري


سوقني معاك يا حمام

سوقني معاك يا حمام

سوقني محل ما الحبيبة

قريبة تراعي الغرام

غريبة الأشواق حبيبة

يجيبا منام في منام

سوقني محل ماالمحنة

وأيادي تقطر سلام

سماحة الحياة فوق أهلنا

وبلادي تقرقر وئام

غلابة وأمان مو الطيابة

ضكارى بصارى وكرام

حبابها الحبان في بابها

وتدخلوا عليّ الحرام

فقارى ولكن غنايا

غنايا بهذا الغمام

بهذا النيل كم تقايا

وتيرابها نرميهو قام

إرادة القمره البتقدر

براها تضوي الضلام

شعاع شمشاً ياما خدّر

وإذا يبَّس لا يُلام

فيابا خرابا الحرابة

وخرابة فكر سوسي سام

خرابة الكل نفسو تأبى

عقابه .. تلِم عم سام

ولِيد مخلوق للقراية

خزين مدخور للجِسام

تتمر نيتو التخاية

إلاما مذهلل إلام

درب من دم ماب يودي

حرِب سُبّه .. حرب حرام

تشيل وتشيل مابِ تدِّي

عُقب آخرتا إنهزام

بطانة الشيطان قديمِة

وبعد دا منو العرشو دام

إذا الإنسان ما ليهُ قيمِة

علي إيش خلَّفُو سام وحام

تعالوا الدم ما هو مويةِ

ولا ها ترايي المسام

أخويا وطراوة الخوة إبتسام

تعالوا نحانن بعضنا

نخل قلبو على التُمام

نبضنا يشهل أرضنا

وأرضنا تجِم العضام

تعالوا بدل نبني ساتر

نخيب ظن الصدام

نطَّيب للعازه خاطر

نقوم لأطفاله سام

أخير كرّاكةً بتفتح

حفير وتراقد الركام

أم الدبابة البتكشح

شخير الموت الزؤام

تعال لي غابتك يا خيرا

تعال لها يا أسده الهمام

بدل دوشكة يغني طيره

محل قنبلة عش نعام

بلد صمَّي وشعب واحد

عصية على الإنقسام

أبيه وبكراها واعد

صبية ومشهاده تام

بساط أحمدي كم يشيلنا

وتشهِّلنا على الدوام

نَقِل ليلنا تقوِّي حيلنا

ودليلنا تمام التمام

نلقّم سقف المتاهة

نجم هدّاي في الضلام

ونطعِّم حرف النزاهة

لإيئلافك يا حمام

ديموقراطية وأمان

سوا .. سوا عالين مقام

مواريثنا المن زمان

محصَّنة في أروع نظام

بريدك يا زول بريدك

بعشقك حتّى الهيام

أريحيتك عد تزيدك

مهابة وليك القيام

عهدي معاك يا حمام

حبِيْب الرُسل الكرام

رسول الأمراء العظام

عصامي على ما يرام

ماب تهدِل في خنادق

ولا ب تقدِل فوق حطام

ولا ب تنزل في فنادق

وسطنا مراعيك قُدام

فيا ملدوغ من أديس

معوَّق في كوكدام

تعال عمِّر فينا ميس

كفانا طشيش الكلام

جناحيك جنوب شمال

وأمش طوِّف يا حمام

محِل غصن العزّة مال

عليك وعليهُو السلام

حكيم الطير يا مهبِّر

شُراكة القَتَلة اللئام

متين بإسم الحق تكبِّر

وبالرحمة تصلِّي إمام

فلاحة العالم تعمر

محبّة مودة ووئام

تشمِّر ساعد السلام

سوقني زمن كُلُّو عافي

نتاجو عِلم خيرو عام

بري آيمة من المنافي

وطن وافي على الدوام


*********************


أحمد معروف بالطيبة حسن أخلاق وعليها تربى

تكفي شهادة ناس الحلة إنو خلوق وخجول ومُربّى

رغم حداثة سنو لبس تهذيبو أصالة وهيبة

أدي الناس الحب أدوهو حسن الظن بيناتن شبّ

خشت فجأة أميمة حياتو وصارت بينو وبينا محبة

قلبو إختارها عشان معروفة زولة حنينة وراقية وطيبة

دسو الريد في السر بيناتُن وخلّو حبيس دفين ومخبأ

وكيف تنضارى متل أشواقن وليه زي ريدُن يوم يتخبأ

وبعد أعوام وصلتلو رسالة جواب مليان تقيل ومعبأ

قبال ما يفتحو عرف الراسل باينة وظاهرة رسائل وهبة

أخوهو الليهو زمن متغرب تسعة سنين قضاهن غربة

مرسل ليهو تذاكر وفيزا دايرو يجيهو هناك في طيبة

طار في الأول أحمد فرحه كلم كل الناس والصحبة

لما إتذكر أميمة حبيبتو فجأة إنتابو شعور بالخيبة

لكن قرر إنو يسافر سرعة يعود ويتم الخطبة

لأنو الغربه طريقه قصير وفيها يهون تحقيق الرغبة

جاتو اميمة حزينة توادعو جاتو تجفف دمعو الكبَّ

جاتو توصي عشان ما يقوى لا ينساها هناك في الغربة

جاتو تطمنو إنو ح يفضل ريدها الخالد مهما غبَّ

حافظه عهود الريدة البينُن ومهما كان ح يظلو أحباء

أهدتلو المصحف شان يرعاهو من العين والهم والكربة

لبّسه عهد الريد في جيده عقد ممهور بصورة الكعبة

قامو إتوادعو زين إتباكو فات خلاها وحيدة وخبا

سافر شال همو وأحزانو بعد أيام في المملكة طبَّ

لاقو الناس يا زول كيف حالك بالأحضان قام سالم وهبة

قالو نصاح ناس أمي وأبويا مشتاقين راجنلك أوبة

قالو أحمد: سافر يا وهبه غير جوَّك وروِّق حبة

أمك ياخي تلاهي عليك لاخالالا ضريح لا قبة

السودان مشتاقلك كلو ضفاف ورمال سواقي وتربة

وحتى النيل فرحان راجيك تجي وتنهل من مويتو العذبة

بعد أيام كان وهبه هناك بين أصحابو وأهلو وأحباه

في حضن أمو الطول منو في حيشانو الواسعة الرحبة

قالتلو أمو أخوانك كبرو وما فضلنا زول يتربى

بس فضلي أشوفو جديدك وكتين لسع حية وطيبة

إختارولو بنيي سميحي تشع حيوية ورونق وهيبة

أديبة وراقية وكلها عفة وبرضو أهل وقراب في الحسبة

يوم العرس الحي صباحي فرح مطبوق والناس منطربة

شاق الليل صوت كم زغروده وحس طنبور ودليبن ربة

إلا في واحده حزينه وباكيه سايله دموعا دوام منسكبة

الفي دموعا سؤال بيحير وفي آهاته أسرار محتجبة

وقالو الناس دي دموع الفرحه وغيرها شنو الحا يكون السبة

بعد أيام ساق وهبة عروسو ساقها رجع لي بلد الغربة

سايقو حنين لي كل أصحابو ولي أحمد أخوهو أشواق ملتهبة

وصل الباب كورك يا أحمد فتح أحمد بي لهفه ورغبة

شاف قدامو الما متوقع هم الكون فوق راسو إنصبَّ

شاف السلسل عهد الريدة نفس السلسل وصورة الكعبة

شاف قدامو أميمة حبيبتو كانت قاسية وقاضية الضربة

شاف أحلامو تضيع قدامو بعد ما كانت منو قريبة

كانت لحظه تفيض بالدهشة شاف الدنيا كأنها تسبح

كورك أميمة...أميمة .. وصنقع صنقع ودنقر.. ودّر وغبَّ

وجن أحمد في نفس اللحظة وجن الريـد ما أظن يتخبأ


***************************************


حــــــــــــــواء

ضمَّ جسم الليل عويلها وضمت الاهات زليلة

حواء ياناس ياحليلها وثاني ياناس ياحليلها

ماسكي كفة توب تخيط والدموع تنزل هميلة

كان متاكي الباب وخايفي من ابوها يشوف حويلها

مالعليهو هو ماهو هين كيف تعل روحو العليلة

كان يقول لها حواء مالك والعذاب كيفن مشالك

حواء لا تزيدي العليكي فوق كتيفي انا شايلو فالك

حواء ماهميني حالي الا بس هاميني حالك

حو اء حواء باقي نصبر ونحبس العبرة التقيلة

حواء برد الدنيا اكبر والله اكبر من غتاها

كان بامكانها تسرق بس ضمير الخير حماها

زاد اذاها وزاد شقاها لما ابوها الراجياه ودع

وروحو دقت بوغ رحيلها

حواء قالت دايري تاكل لو لقت لها لقمة نية

قالوا ليها ان دايري تاكلي اكلي في خاطرك شويـي

اضحكيلهم وابسميلهم تلقي بدل القمة مية

حواء قالت دايري تغمر لو حلم بالفرحة طافها

قالو ليها الدايري تغمر الا في صدر السخافة

بينها وبين عيشة المعزة ماخلاص بعدت مسافة

حتى قدر الموت اباها مش حرام الموت ياعافها

سوت الشاي للعطالة ماجنت غير الرزالة

حامت الحلات تغسل شالو ناس الحله حالها

مدت الايد للعمايا ختو في ايديها لالا

قنبت في ضل مصقر سارحة تلتق في نعالها

في ضجيج عجلات زمانها مانست صرخة جمالها

حواء ماتت لما ماتت امها وكانت طفيلة

ماتت لما ابوها روحه دقت بوغ رحيلها

وماتت ألف مرة لما سلبوها الفضيلة


***************************

صديق أحمد


يا زينوبة أبوكي هو أصلو حالو براه

ُلو قاري العلم ولاهو سيد خبرة

ومو زول غربة لكن الظروف جابراه

مالو إن كان صبر كل الخلوق صابرة

الصابرات روابح لو يجن قماح

يا قمرة أقلبي السلسلي الحمرة

وشوفي أبوي أنا الراجياه كل صباح

هو أصلو متين نساكم يمة شان يطرى

بتنفس هوى ذكراكم العطرة

رهيف إحساس حنين قلبو بالفطرة

نديم وبقت دموعو الديمة منقطرة

وعارف نفسو من غيركم هو ما بيرتاح

والله جاهو العيد كمان

زاد القليب حسرة

سادي العبرة حلقو ونفسو منكسرة

هو لا لمى القروش لا حصل المسرة

بلد مافيها زول مات من عدم كسرة

فراقكم ليها يا أحباب دا ما كان صاح

ندمانة إن بقت محتارة في أمرها

بعد قسن الدرادر قصرن عمرها

الشوق فاض وعماها الحنين غمرها

الشوق للبلد لي بهجتها وسمرها

الشوق لي مقيلاً ضمابن تمرها

والشوق لي حديثاً ضمابن قمرها

كان الشوق يخفف ولا يبرى جراح

أنا مشتاق للبلد جابريتها ووكرها

ومشتاق للحسيناب أسقا وبكرها

ومشتاق للقبيل إتربوا فوق حكرها

ومشتاق للدميري ومويتها العكرة

ومشتاق للجزيري وتُشقا وهكرا

مشتاق لي قطع بحرها ودخول وكرها

أنا مشتاق للأبى يفارق الفؤاد ذكرها

ومشتاق للعلى مشغول دوام فكرها

ومشتاق للصبح بي دوزن غناي شكرها

يا ريت كنت بقدر أسوي شوقي جناح

يا قمرة صبي السنسني الحمرة

وشوفي أبوي أنا الراجياهو كل صباح


*****************************


محمد النصري


معذور لو قلبي اشتهاك ما إنت عارف

فرقتك ما بيحملها القلب الهواك

ده مناه يوم ما نفترق يا ريتو كان يفضل معاك

لو بي مرادو يقوم يجيك تلقاه بين ايديك حداك

متمني يلحق بيك سريع نتلاقي والاشواق هناك

جاييك هارب من سنين جاييك واقع في حواك

غلبو النواح يوم فرقتك بالدهشة خانس إتعبر

ما بين نوازع الروح إليك هايم وبين حكم القدر

ما اتزعزع الإيمان جواه ولكنو في الآخر بشر

قايل عليك شدة وتزول ما قايلك إنت علي سفر

ما كان هو فاهم يومو داك ايه ضحكت البرق اللصف

ولا كان هو شايف للهموم الجايه واقفات ليهو صف

ولا كان هو حاسس بالغرام الباني في الغيم اتنسف

لقي نفسو فجأة بلا وجيع مفجوع ومفقوع بالأسف

يا ريتو كان وقف الزمان قبال تروح صدّ ورجع

ما كان غشانا الحزن يوم لا فرقه بيناتنا بتقع

كان لا رثيتك لا بكيت لا قلبي فيك يوم إتفجع

وما كان قدر ذكراك صبح يومها التزور مره ورجع


************************************


عبد الرحيم البركل


بقيت أحسب عميري الفات

عذب لا حفلة لا شبال

لقيت الراح كتير وكتير

مرق لا زوجة لا أطفال

تراني وسط مهب الريح

مريكب لا ساحل شلال

بقيت مسحور عيونك ديل

إتحجر بقيت تمثال

وأفتش في مكانك وين

لقيتك في قليبي هنا

تقول لي أنا

أنا المأساتي ما بتتقال

أنا

أنا الجرب مآسي الحب

أنا الجرب مآسي الغي

تعال تعال شوف كيف حفن كرعي

وأنا اتبشتنت يا خلاي

فوق درب الفريع الني

بقت لي مع العيون قصة

مخلفي فوق جروحي الكي

خيالن ما دوام نافر

يحلق في خلاهو الصي

ولا قادر أفيق وأرجع

ولا قادر أداري البي

وأشوف غيمك أنا العطشان

وأقول هسع يجيني الري

وأفكر في أمور الحب

وأدور في ساقية غير معني

تقول لي أنا

أنا المأساتي ما بتتقال

يا حليلي أنا

حليلي أنا

حليل أيام سعادتي معاك

وكت كان الزمن بسام

يشاور لي دوام ضحاك

يضمنا كان هدوء الليل

لا حس همسة لا كوراك

لقيت تب يا قلب زولك

بعد وجعك لقيتو دواك

أتاريهو الزمن دولاب

قسى ورجعني ألف سنة

تقولي أنا

أنا المأساتي ما بتتقال

طريت أنا

طريت السمحة بين أهلها

وكت تنزل وقت تطلع

مع الحوب اجتمع شملها

تمد إيديها للمنقة

تداعب للجريد قبلها

وما هماها زولاً فات

يقاسي الغربة من أجلها

ما خلاني ابتليت بي ريدها

أفتل في حبال رملة

كمان خايف الجنون يحصل

تفوت عقليتي بي عدلها

بوريكم مآسي غرامي

عشتها وعمري كان تمنها

تقول لي أنا أنا المأساتي ما بتتقال


ايـــــديّ فـــــوق ايــديـــك نـبـنـيــه اجـــمـــل بـــيـــت

تبقـيـلـى فـيـهـو ضـــراى وانـــا ابـقــى راس الـخـيــط

مـنــك اعــــرف الــصــاح بيـنـاتـنـا يـبـقــى صــــراح

لا نــعـــرف الآلآم لا يـــــو مـنــقــول يــــــا ريــــــت

ايـــدي فـــوق ايـديــك نبـنـيـه طـــوف فـــوق طـــوف

بـيـت الأســـاس اخـــلاص بـــي ريـــد ووّد مـسـقـوف

يصـبـح هـواهــو هـــواى نسـمـاتـوا احـلــى حـــروف

فـيـهــو الأســــره هــيـــام شـبــاكــوا لـيــنــا ولـــــوف

يـطــرد كـــلام الـنــاس شــبــح الـضـيــاع والــخــوف

ايـــــــدي فـــــــوق ايـــديــــك نــتــقـــاود الأتــنـــيـــن

مـانـحـن مــــن سـنـتـيـن قـاومـنــا أقــســى ظــــروف

صارت خطـاى وخطـاك فـى نـص طريـق مرصـوف

مـاشـيــن مــــع الأيــــام والـــــزاد مــنـــى واحـــــلام

قـاصـديـن بـــلاد الــريــد وطـريـقــه مــــا مــعــروف

ايــــدي فــــوق ايــديـــك نـلــحــق قــوافـــل الــشـــوق

الراحله من جواى نبنيه اجمل بيت ترتاحى فيهو معاى

لامـــن نهـايـتـى خـــلاص لامــــن أصــــل مــســواى
رد مع اقتباس
  #16  
قديم 05-02-2006, 09:44 AM
الصورة الرمزية الرواسي
الرواسي الرواسي غير متواجد حالياً
Senior Member
 
تاريخ التسجيل: Jul 2005
الدولة: South Korea
المشاركات: 204
افتراضي

إيهاب والجميع

،،، تحياتي لكم ،،،


أتمنى ما أكون خربت ليكم البوست بي خط الخلاوى دا

:lol:

عذراً
رد مع اقتباس
  #17  
قديم 05-16-2006, 02:58 AM
الصورة الرمزية Ali_Saad_Ali
Ali_Saad_Ali Ali_Saad_Ali غير متواجد حالياً
Senior Member
 
تاريخ التسجيل: Jan 2005
الدولة: جدة - السعودية
المشاركات: 1,441
افتراضي

********* حبيب العمر ************

حبيب العمر يا غايب بتدري هواي
احبك وانتا في قلبي ربيع دنياي
عزة نفسي تمنعني ابوح لسواي
بالامي واحلامي وكل مناي
وانتا في بالي يا حبيبي ليه غيابك طال

حبيب العمر ما صدقتا عني تغيب
يصبح حالي في لوعة كشمعة تذوب
حالي البي لو جربتو يالمحبوب
كنتا بكيتو من قلبك ودمعك سال
وانتا في بالي يا حبيبي ليه غيابك طال

وحات عينيك لهيب الشوق مصيرة رماد
تعال ارحمني من هجرك كفاية بعاد
تعال الليلة ما بكرة بدون ميعاد
احنا فراقنا ما ممكن يا روحي محال
وانتا في بالي يا حبيبي ليه فراقك طال
__________________
رد مع اقتباس
  #18  
قديم 10-22-2006, 02:42 PM
الصورة الرمزية eihab nimeri
eihab nimeri eihab nimeri غير متواجد حالياً
Senior Member
 
تاريخ التسجيل: Jan 2006
الدولة: KSA
المشاركات: 1,075
افتراضي

معقول زيارتك لينا بالدنيا كلها
اهلا بيك ودايرين تاني عليك الله
__________________
ليه يا قلبي ليه تاني رجعت ليه
رد مع اقتباس
  #19  
قديم 10-30-2006, 05:02 PM
الصورة الرمزية eihab nimeri
eihab nimeri eihab nimeri غير متواجد حالياً
Senior Member
 
تاريخ التسجيل: Jan 2006
الدولة: KSA
المشاركات: 1,075
افتراضي

الشوق و الريد
*************
والحب البان في لمسة إيد
وأغاني نقولا00
والدنيا زهور00في عينينا
تصبح كل يوم 00زي طفل وليد
**************************
كل الأشواق00
وآهه بتجرح00قلب المشتاق
ليك ياهاجر00ليك رسالة
لو روحك يوم تنسى دلالها
ليك رساله
تشوفنا قريب ماتتعالى
نسأل عنك وعن حالا
نعيد الكان00حليل الكان
نخلي الحب يسرح بينا
يبقي جناحين00ويطير بينا
*************************
نشوف الدنيا ربيع و زهور
نسكت و تتكلم عينينا
ليك رساله
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّا
*************************

ما هو عارف ...

ماهو عارف قدمه المفارق

يا محط آمالي السلام

في سموم الصيف لاح له بارق

لم يزل يرتاد المشارق

كان مع الأحباب نجمه شارق

ماله والأفلاك في الظلام

يا دهر أهوالك تسارق

منها كم كم شابت مفارق

ما علينا الفات كله فارق

رقنا وله نعيد الملام

من حطامك أنا غصني وارق

في شن أبقيت للطوارق

غير قليبا في همومه غارق

ولسانا برده الكلام

ويح قلبي الما انفك خافق

فارق ام درمان باكي شافق

يا أم قبايل ما فيك منافق

سقي أرضك صوب الغمام

يا بلادي كم فيك حاذق

غير الهك ما أم رازق

من شعاره دخول المأزق

يتفاني وشرفك تمام

مسرح الغزلان في الحدايق

والشوارع الغر والمضايق

قول لي كيف أمسيت دمت رايق

دام بهاك مشمول بالنظان

مجلس اللذات في النمارق

والترف لا زال وصفه خارق

ضاري حسك فاح جانا مارق

وله قاطعو الريح ما هو لام

في يمين النيل حيث سابق

كنا فوق أعراف السوابق

الضريح الفاح طيبه عابق

السلام يا المهدي الامام

أين مني الودعته شاهق

باكي ناهد لسه مراهق

عيني ما بتشوف الا شاهق

أين وجه البدر التمام

أين مني الفي زهوه باسق

في شبابه نقي من مفاسق

بين ثيابه البيض المناسق

حولك اشبه رتل الحمام

يا بريد الجو فوقي حالق

ميل علي الروح ليها خالق

عدت سالم قول وأنت عالق

مقرن النيلين كيلو كام

الحبايب لفتوا الخلايق

بيني وبينهم قطعوا العلايق

ان دلال ان تيه كله لا يق

نحن ما مجينا الخصام

يا جميل يا نور الشقايق

أملأ كأسك واصبر دقايق

مجلسك مفهوم شوفه رايق

عقده ناقص زول ولا تام

من فتيح للخور للمغالق

من علايل ابروف للمزالق

قدله يا مولاي خافي حالق

بالطريق الشاقه الترام

ما يئسنا الخير عوده سايق

الحي يعود ان أتي دونه عايق

الي يوم اللقا وانت رايق

السلام يا وطني السلام
__________________
__________________
ليه يا قلبي ليه تاني رجعت ليه
رد مع اقتباس
  #20  
قديم 02-07-2008, 08:27 PM
الصورة الرمزية eihab nimeri
eihab nimeri eihab nimeri غير متواجد حالياً
Senior Member
 
تاريخ التسجيل: Jan 2006
الدولة: KSA
المشاركات: 1,075
افتراضي

مسامحك يا حبيبي

مسامحك ياحبيبي
مهما قسيت عليا
قلبك عارفو ابيض
وكلك حسن نية
اسال عني طيفك
في ذكراك هم شهود
وياما اشتقت ليك
ورجيتك يوم تعود
وحشتني الابتسامه
عيونك في كلاما
ما من جوه قلبك كلو عل لسانك
مسامحك ياحبيبي
ده الحافظو منها العارف الباقي يتمو وما بنسى من روائع الاستاذ عثمان حسين
__________________
ليه يا قلبي ليه تاني رجعت ليه
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:38 PM.


Powered by vBulletin® Copyright ©2000 - 2014, Jelsoft Enterprises Ltd. , Designed & TranZ By Almuhajir