[[/img][/url] مشتاق اليك يا بدر نور واكتمل وحتى القمر لمن يراك كان خسفـو ذلك من خجل رقة ونضاره ووجه نور كل من رآك كان قد ذهل فيك العيون ترمي الفتون مكحول مقل طبعك رقيق راقي وشفيف مورد عذيب صافي النهل كم لي بيك اجمل وجود حرفك جواهرك قد بهل انسان حنين ناعم ولين كل الجمال قلبك حمل طوّل فراقك لينا عود كل من هناك عنك سأل لكني بيك دون الجميع من شوقي ليك زايد علل أسلى بي صورة ملاك تذكار عزيز منك وصل في طرفو كان دمعة محب رقراقة في عيونو النجل ما بتفارق لي يوم وخاتيها في اقرب محل لو بي حنين فاض بي اليك غير بس اشوف ايه العمل انظر وجيهك واستهيم يعلوك من ذلك خجل واستلهم الوحي الهميم ينزل تواتـر بالجمل يا ريت وريت ترجع تعود لو كنت جيت تُـحيي الأمل
بتبكي عيونك الحلوات ودمعك منها يتنزل شجون جواك كم بتفور وذكرى شجيه تتغلغل تذكر بي احبه وناس زمان عنهم لقاك طول ودمع الشوق نزل دفاق وخدك بيهو اتبلل حنين في قلبك الخفاق دوام عن الحبيب يسأل ورقة طبعك الشفاف دموعك في النزول أسهل عواطف قلبك الجياش شعور الفرقة ما تحمل ورقرق طرفك النعسان وكان رغم الدموع أجمل وحات الدمعة في عينيك هواك البي هو الأول وقلبي العاشق الولهان محال عن حبك إتحول جمالك وطبعك الحساس ملاك في صورتك اتمثل كساك الحسن بالأنوار بقيت انت الرؤاك أجمل وحسنك فيه تنطق روح وكيف الناس معاك تذهل بشوف حسنك دوام زايد ونورك فوقك اتهلل وتسرح فيك روحي تشوف وترجع تاني من أول تزيد الدهشة في عيوني واظل في حسنك اتأمل براك في قلبي سلطانك علي لو درت ادلل
الجمال الفيك ظاهر كالشمس بالضو باهر لينا يشرق بي جمالك ولسه في حدقاتنا جاهر ونغمه كل حروفو اسمك والحروف منـك مزاهر لينا تعزف بالموسيقى وعطر زي عطر الأزاهـر والعيون بالحسن تبرق شاعة زي أثمن جواهر ومتعة في الوجدان تدغدغ فيك لو تسرح نواظر والحــنين البي إليكي يملا كل الناس مشاعر والمشاعر الحاسي بيها بيها مين زي قلبي شاعر وزيي مين بعشق حبيبو وانت غيرك مافي آسر لو يكون الشوق بينطق فيني يصرخ داوي هادر او تكون بتشوفي شوقي يبقى بحرا موجو دافر ولو تعدي اللهفة ليكي يبقى عدو عليكي عاسر ايه اقول غير بس بحبك ولي بشهد كل خاطر ومما شفتك قلبي عشقك وصرت طول الليل مساهر قلبي ينبض بي غرامك وصرت احلم بيك باكر وصرتي كل حياتي انت كيف اعيش لو لي تغادر وبي ما يعطف قليبك ولي ما تمد الأواصر تبقى ظالم يا حبيبي ولي بالأهوال محاصر
يا سارحة في جوف الأفق ربك تبارك قد خلق شفنا الملاك جالس هناك في جلوسو صامت مانطق حفته هالات الجمال والعشب قد فاح بالعبق الشعر شلال من جمال ادلى فوق كتفو ودفق ورّينا وين خاطرك سرى سافر بعيد تاه وانسرق لو لينا ينظر والتفت متل الشعاع باهر برق الخضرة زادت ازدهار والورد فتح وانبتق حتى النسيم قد رق ذاب للشعر داعب قي ألــق وكل شجره مالت يومداك من نشوة قد حتّ الصفق والطير غرد في انبهار في لحنو اطرب وانطلق
حامت فراشات النهار في الروضة حولها في شبق ظنتها من ضمن الورد في الروضه فتّح وانفتق في لبسه اجمل ما تكون في قامتو سارت في نسق ألوانه زاهية واحمرار واصفر تمازج في نسق والزهر من ذلك يغار شوفوه ينظر في حنق
غايتو الجمال والأخضرار والموية جمعا اتفق واتلاقو في لحظة زمن كان قبل اصلا ما سبق
شوفتو مره ماري ساير والجمال الفيو مدفق الوجيه قمره ومنيره والفراش حولو بيحلق والشعر اسود يهبهب زي ضرب قلبي البيخفق والقوام العالي يقدل والعطر ينفح ويعبق والعيون الساحره فيهو زي شمس في وجهو تشرق القوام العالي فيهو يمشي بين ايديه فرق والأنوثة الطاغية فيها من كتر بتدور بتمرق غايتو كل من كان رآهو صورتو في عينيه تعلق لي بس بي نظره باسمه ليهو صار قلبي بيعشق وصرت راهب في غرامو وجوه في قلبي بيحرق صرت اهذي بي هواه ووحدي كم شافوني انطق صرت مجنون بي غرامو وايه جنون قيس والمحلق والغرام زاد بي حتى صرت بس مجنون بفلِّق
كم كنت تدلل تسيبني فيني شوقك جوه لاهب وكم تعذب فيك فؤادي وجيتني بالأشواق تايب واضحى حسك زيي صادي ديمه مشتاق للحبايب وروعة اللقايا وشعورك وكان زمان تايه وغايب يروي شوقك في فوادك ليك يعانق وليك يطايب واصلو حبك ديمه عندي صابي في الأعماق سحايب جاري في مسرب عروقي وفي خلايا الدم ذايب
لما بعدك لينا يرهق تطلع الآهـْ من جَوانا فينا للأشجان تحرك وتلهب النار في جُوانا اصلو شوق الحب بيعدي حرك الشوق المعانا والمشاعر دافقة تجري كم تعبر عن هوانا ننسى كل الفرقة بينا ونترك الآلام ورانا شوقي لي لحظة لقاك كيف اوصفو بي امانة ليس يطفي الشوق إلا للمحب بس غير لقانا
لما قلبك بي يعطف بيك يزدهر المكان والطيور تصدح تغرد تحكي للناس اللي كان هي لحظة حب بينا قطعة من عيشة الجنان والزهور تنفح شذاها وبي لقاك القى الأمان يبقى لي الحظ تبسم لم اشوفك بالعيان الموده النابعة منك تسقى لي قلب الحنان ابقى كل الفرحة نلت وفي عيوني السعد بان.
بالجمال الفيو تهنى والشعر في كتفو دلى بسمة كالدر المنضد والوجيه كالبدر هلّ كالغزال من جيدو لفته وبالعيون لي قلبي شلّ روعة بي نظراتو يسحر ما في ناظر ليها خلّ متعة لو تنظر جماله حين تشوف للبدر طلّ أو زهور في روضة ناضره كل لون مزروع في تله والنسيم يرشح عبيرو والشجر بي غصونو ظلّ ولو اقول في وصف حسنو ما اظن يوفيه كلا بهره من آيات جمالو من رآه كبّر وصلى قاسي لا يدرك وصالو ولو حنين لي شوقنا بله كم رجيت يا ناس وصالو وبالدلال لي روحي سلّ ولو تزيد في نير دلالك قلبي عنك ما تخلّ والبحب من جوه قلبو في وفاهو العمر ظل
[align= أصلو الروح لو تعلم تسري وباقي الجسم الهالك صوره ودمك فوقو بيسري
وسر الروح غير ربك مافي بيعلم وين بتحوم وبتجري لو كان حالم تمشي عوالم كل ما فيها اللون الزهري أو بتطوف في ظل الخوف وتلقى هناك الأمر القهري
والوجدان في الروح احساسو والإنسان هو الروح لو يدري وسر الحب الدافق فينا من الروح كالفوح العطري يسري ويدخل جوه فؤادك وما بي يدينا الحــب العذري
امكن روحك لاقت روحـو وكان الحب من غير ما تدري اصلو الخاطر بسبق عينك والأقدار بي ذلك تجري
يكون الحب في قلبك خافق والأيام تجمع بيناتكم وما في ذلك امر سحري
وأصلو الحب احساس بي إنك حي وبتشعر تعطي وتبذل طول العمر والاحساس بالحب جوانا فينا وكامن وإمر فطري
لو اهواك يا حبي واعشق ويبقى هواك في داخل صدري قدر الحب الجابك لي يجعل حبي في قلبك يسري وكوني احبك ما بي يدي اعطف وارحم واقبل عذري عيوني الشافت وقلبي الحب وروحي اللاقت روحك بدري عشقك اصبح ذايب فيها واصبح قلبي خارج أمري
يا الفتحته وقبل اشوفك كان في قلبي بذرة حبك وكان في الخاطر قبل وجودك مرات بلمح صورة وجهك وبين النفس الطالع ونازل مرة تجيني نفحة عطرك احس بي لحظه عجيبه غريبه وجوه احساسي احس بي حسك ولمن شفتك ما صدقت وكل حواسي فجأه بتصرخ ليك بحبك ليك بحبك نفس الصورة الكان في الخاطر وكانت ابهي واجمل عندك ومن اللحظه الشفتك فيها هايم وبحلم ديمه بقربك يا الحركت جواي مشاعر كانت وقف غرام لي حبك وبيك بداية عمري بتحسب وساكت كان العمر في بعدك يللا تعالي نطير ونحلق نروي الشوق الكان ونحرك نسقي الحب الكامن فينا وحسي بشوف في عيونك ردك انو هواي في قلبك برضو وكان في خاطرك لي بتملك قدر الحب الجابك ليا ولي رماني كمان في دربك حبك اصبح عندي حقيقه وقلبي الهايم صار من حقك يا اللونت حياتي بحبك وكانت ابيض واسود قبلك ويا النورت مداخل روحي يوم السعد معاك يوم وصلك
شفت الجميع من نشوه بيك درويش توله وصار يدور بي بسمه منك منتشي ايقاع طبول وعبير بخور وعقولنا تاهت في الخيال شافت يقين في الجنه حور البسمه ضوت كالنهار سقت الجميع كاسات خمور والصمت حلق في المكان في لحظه بي كل الحضور ذاهل بينظر في اندهاش ماخوذ وفاغر للثغور هي بسمتك منظر جميل خضره وتلال والوان زهور شلال مياه ونسيم عليل ينفح بطيب انواع عطور احساسو بي بسمة وشيك قلبك يعبر عن شعور واحساسنا بي احساسو فيك حسنك يدغدغ في الصدور احساس فرح تحكية فيك نظرة عيونك في حبور طلة بهاك طلة ملاك عتمة ظلام شقاهو نور هي بسمة من روحك ترش جوه القلوب الوان سرور في الليله ديك غايتو الجميع يقسم راى لو كان وقور شاف الجمال جالس هناك باهر مهول بين الحضور
من غير تجمل مقلتيك نيرانه تلهب قلبي فيك إبهار جمال ايات سحر من فتنة طلت من عنيك يا غانية عن ذوق او حلا ما بقبل الحسن اللي فيك كل حته وصلت غايته واتنورت من نور وشيك واصبحت مضرب للمثل للحسن نشهد ليهو بيك كم تهت في ريدك انا وجلست خاضع بين يديك واقول شعر لو كان يفي يحكي ويقول البي عليك لكن جمالك غير حدود مهما اقول ما اظن يفيك شوقك حتم جواي وله خلاني بس مشتاق اليك وريدك ختم فيني وكتب في قلبي ما عندك شريك اوقد جواي لهب الجوى بعث الامل لي في مجيك خلاني سابح كالسحاب مستني فرحة قلبي بيك
يا حبيبي لي ارحم وكم زمان قلبك رحم ما حرام تهجر حبيبك ويبقي عايش في الم وانت عارف حبي ليك زيو مافي وانعدم وانو حبك مالي قلبي وليك بحلف بالقسم بس هواك وشوقي ليك وغيرو اصلا ما اتقسم وقلبي برفض كل غريب ليهو لو يوم اقتحم اصلو بجري في عروقي وحبك اصبح فيهو دم وما بشوف في الدنيا غيرك وفيني من حبك وشم بي ظاهر في عيوني وفي جبيني الريد ختم ملك خالص ليك انت وامرو قاضي وانحسم
أين أنت ..ووينو حيك إنني أفقد حضورك كنتي تملي القلب بهجة لما اشوف صورة عيونك غاية في الابداع ودنيا من خيال ما بين جفونك فيها سحرك لينا أسر ونسري مذهولين في كونك شعرك المسدول وجيدك ونشوة من بسمة سنونك ورقه في طبعك موده وبهره في محياك ولونك والاناقة الدايمة عندك داله عن فهمك وذوقك وجسمك الملفوف وعالي آيــــه من أيــات فتونــك لي تدغدغ في دواخلي وفيها تعزف بي لحونك تضوي منك في خواطري روعة من لألاء نجومك وردك المشحون مشاعر بقه في احساسي نورك أين انت ووينه شمسك وين كواكبك وين بدورك زيـّنـك بالحسن ربك وادام دايما سرورك يا بهية الحسن حسنك اصلو كان ساكن في دورك شافو حسنك قالو فاتن كلمه شايف انو دونك وكيف يكون لو بس كانو بي عيوني الناس يرونك شافو فوق حسنك محاسن شاعه من حولك وفوقك بالجمال الباهي منك روضه تبهج بي زهورك فنـّك الراقي المموسق تجري تتدفق نهورك تسقي وجدانا المحرق تطفي شوقنا بي شعورك وتزرعي في الحس حسا ترشحي فينا عطورك في انتظارك هاهنا أسعد اللحظات حضورك بيكي تخضّر الأماني يزدهي داري وبورك أدمنت روحي كلامك فاتركي جفوك وجورك و اسقي صحراء المعاني فهي تسعد بي مرورك تلهمي الوجدان شعرا وما كفاية خلاص غرورك
المستخدمون المتصفحون لهذا المنتدى: لا يوجد أعضاء مسجلين متصلين و 1 زائر
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
