عنوان المشاركة: دقة سريعة مطلوب مترجم إنجليزى عربى وبالعكس
مرسل: الخميس إبريل 08, 2010 7:46 am
حبيب الناس
اشترك في: الجمعة نوفمبر 18, 2005 5:33 am مشاركات: 9201 مكان: فى كل بلد سوالو أولاد
سلام حبايب
فى وظيفة للجنسين بتاعت مترجم انجليزى عربى وبالعكس في شركة فى ابوظبى تعمل من الباطن مع القوات المسلحة الاماراتية الشروط : 1- ان تكون لديه شهادة جامعيه أو أعلى فى اللغة الانجليزية او الترجمة ودى اهم شى 2- ان يستطيع الطباعة على الكمبيوتر بسرعة لاتقل عن 15 كلمة فى الدقيقة انجليزى وعربى وهذه ليست فيها مساومة ودى امانة مربط الفرس والبتطلع الناس 3- العمر ان لا يزيد عن 45 سنه 4- لو في خبرة ما بطال 5- سوف يتم فحص المتقدمين فى الترجمة العربيه للانجليزى وبالعكس وكذلك فحص فى الطباعة عربي وانجليزى
الراتب مغرى حوالى 3000 دولار شهريا غير السكن والسيارة
بصراحة الوظيفة فى اليد بس رجاء الما عندو المؤهلات دى ما يدخلنا في مجاملات مافي داعى ليها وبجد على مستوى شخصى الضعيف كل البعملو بقدم الاوراق وبعد داك على الله وعلى المجهود الشخصي
البيأهل فى نفسو المواصفات المطلوبة دى يرسل لى السيرة الذاتيه بتاعتو باللغة الانجليزية فى الخاص او فى الايميل حقى ويكتب اسمو فى عنوان الايميل عشان انا بمسح الجنك طوالى
عنوان المشاركة: Re: دقة سريعة مطلوب مترجم إنجليزى عربى وبالعكس
مرسل: الخميس إبريل 08, 2010 10:36 am
حبيب الناس
اشترك في: الجمعة نوفمبر 18, 2005 5:33 am مشاركات: 9201 مكان: فى كل بلد سوالو أولاد
عز الدين كتب:
إن لله عباداً اختصهم بقضاء حوائج الناس حببهم إلى الخير وحبب الخير إليهم هم الآمنون من فزع يوم القيامة
شكراً يا حبيب
عزو ياحبيب ياخى الشوق بحر ابيض عزو ياخى الكلام ده كبير علينا جدا ياخ نحن بنحاول نساعد بس اخوانى واخواتى فى عكس الريح الجنة الضمتنا وبقينا نحبهم ويحبونا تسلم وانشاء الله كلنا فى جنة عرضها السماوات والارض
عنوان المشاركة: Re: دقة سريعة مطلوب مترجم إنجليزى عربى وبالعكس
مرسل: السبت إبريل 10, 2010 11:23 am
اشترك في: الجمعة سبتمبر 18, 2009 10:12 am مشاركات: 187 مكان: جده - السعودية
حبيبنا , التحايا مترعات بصافي الود الشكر لا حدود له أعمل مترجم الآن بشركة MTMM , قسم HYDRAULICS , وأرغب في تقديم السيرة الذاتية . الحمد لله الراتب مش بطال لكن العرض أفضل بالتأكيد . حأرسل ليك السيرة الذاتية . والله الموفق .
_________________ تعالي قريب ومدي إيديك .. ما تخبيو جمال حسّك .. وما تدسيو بريق عينيك فِضلنا ...سنين ومنتظرين .. نستناك نعاين ليك نتاوق ليكي لا زِلنا .
إن لله عباداً اختصهم بقضاء حوائج الناس حببهم إلى الخير وحبب الخير إليهم هم الآمنون من فزع يوم القيامةشكراً يا حبيب
عفوا عز الدين اخبارك عساك بخير كلامك دا ذكرنى اخوى رحمة الله عليه اصحابه كانو بيستغربوا من انو هو كان دايما بيخدم الناس والالامور فى يدو بتمشى بى سرعة رهيبة وبتتبارك فا كان دايما بقول ( إن لله عباداً اختصهم بقضاء حوائج الناس حببهم إلى الخير وحبب الخير إليهم هم الآمنون من فزع يوم القيامة) و علما اعتقد فى آية بى المعنى دا واتمنى من العلى القدير انه الان يكون آمن من فزع يوم القيامة
تنقو تسلم واسال الله العلى القدير ان تكون من زمرة هؤلا العباد المؤمنين فى ميزان حسناتك يارب
_________________
ياالله ياشافى اسالك ان تشفى اخى وترده لنا سالما يالله
المستخدمون المتصفحون لهذا المنتدى: لا يوجد أعضاء مسجلين متصلين و 1 زائر
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
